ఫోటో స్టోరీ: శీతాకాలంలో వెచ్చని కౌగిలిలో రొమాంటిక్ కపుల్..!

టాలెంటెడ్ హీరో సత్యదేవ్ మరియు స్టార్ హీరోయిన్ మిల్కీ బ్యూటీ తమన్నా జంటగా నటించిన చిత్రం "గుర్తుందా శీతాకాలం". ఈ రొమాంటిక్ మ్యూజికల్ ఎంటర్టైనర్ కు నాగశేఖర్ దర్శకత్వం వహించారు. ఇందులో మేఘా ఆకాష్ - కావ్య శెట్టి వంటి మరో ఇద్దరు హీరోయిన్లు కీలక పాత్రలు పోషించారు.

ఇప్పటికే ప్రేక్షకుల ముందుకు రావాల్సిన ఈ సినిమా ఆలస్యం అవుతూ వచ్చింది. ఎట్టకేలకు మేకర్స్ రిలీజ్ డేట్ ను లాక్ చేశారు. సెప్టెంబర్ 23న థియేటర్లలో 'గుర్తుందా శీతాకాలం' చిత్రాన్ని విడుదల చేయబోతున్నట్లు దర్శక నిర్మాతలు అధికారికంగా ప్రకటించారు. ఈ సందర్భంగా ఓ రొమాంటిక్ అనౌన్స్ మెంట్ పోస్టర్ వదిలారు.

సత్యదేవ్ ఇందులో తమన్నా నడుము మీద చెయ్యేసి ప్రేమగా తనకి దగ్గరికి తీసుకోగా.. తమన్నా అతని కౌగిలిలో బందీ అవ్వడానికి రెడీగా ఉన్నట్లు కనిపిస్తోంది. వీరిద్దరూ ఒకరినొకరు కళ్ళలో కళ్ళుపెట్టి చూసుకుంటూ.. వారి మధ్య ప్రేమ గాఢతను వ్యక్తపరుస్తున్నారు. థైస్ కనిపించేలా మినీ స్కర్ట్ లో మిల్కీ బ్యూటీ అందంగా ఉంది.

కన్నడలో సూపర్ హిట్ అయిన 'లవ్ మాక్ టైల్' అనే సినిమా ఆధారంగా 'గుర్తుందా శీతాకాలం' చిత్రాన్ని తెరకెక్కిస్తున్నారు. ఇప్పటికే ఈ సినిమా నుంచి విడుదలైన ప్రమోషనల్ కంటెంట్ మంచి రెస్పాన్స్ తెచ్చుకుంది. సత్యదేవ్ - తమన్నా కెమిస్ట్రీ హైలైట్ గా నిలిచిన టైటిల్ సాంగ్ ప్రేక్షకులను ఆకట్టుకుంది. ఇదే క్రమంలో వచ్చిన ట్రైలర్ సినిమాపై ఆసక్తిని రెట్టింపు చేసింది.

ప్రతీ ఒక్కరు తమ జీవితంలో సెటిల్ అయిన తర్వాత కొన్ని విషయాల్ని ఎప్పటికీ మరిచిపోరు. ముఖ్యంగా టీనేజ్ - కాలేజ్ డేస్ తర్వాత వచ్చే యూత్ లైఫ్ లో జరిగే సంఘటనలు జీవితాంతం గుర్తుకు వస్తూనే ఉంటాయి. ఇలాంటి ఆహ్లాదకరమైన సంఘటనలను 'గుర్తుందా శీతాకాలం' ప్రేక్షకులకి గుర్తు చేయబోతోంది.

'గుర్తుందా శీతాకాలం' చిత్రాన్ని నాగ‌శేఖ‌ర్ మూవీస్ - శ్రీ వేదాక్షర మూవీస్ - మణికంఠ ఎంటర్టైన్మెంట్స్ బ్యానర్స్ పై రూపొందిస్తున్నారు. చిన బాబు - ఎంఎస్ రెడ్డి సమర్పణలో భావ‌న‌ ర‌వి - నాగశేఖర్ - రామారావు చింతపల్లి సంయుక్తంగా నిర్మిస్తున్నారు. కాలభైరవ ఈ చిత్రానికి సంగీతం సమకూర్చారు.

సత్యా హెగ్డే సినిమాటోగ్రఫీ నిర్వహించగా.. లక్ష్మీభూపాల్ ఈ సినిమాలో డైలాగ్స్ రాశారు. కోటగిరి వెంకటేశ్వరరావు ఈ చిత్రానికి ఎడిటింగ్ వర్క్ చేసారు. సత్యదేవ్ - తమన్నా కలిసి నటించిన ఈ సినిమాపై ఆడియన్స్ లోనే కాదు.. ఇండస్ట్రీలో వర్గాల్లోనూ ప్రత్యేక ఆసక్తి నెలకొంది. మరి వచ్చే నెల 23న విడుదల కాబోతోన్న ఈ సినిమా ఎలాంటి విజయాన్ని అందుకుంటుందో చూడాలి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.