ఫోటో స్టోరీ: పూజ: ది హాట్ స్టార్

టాలీవుడ్ లో ఇప్పుడు టాప్ హీరోయిన్ ఎవరు అని అడిగితే.. ఆ జవాబు ల్లో భిన్నాభిప్రాయాలు వ్యక్తం అవుతాయేమో కానీ మోస్ట్ గ్లామరస్ హీరోయిన్ ఎవరు అంటే మాత్రం తప్పని సరిగా అందరూ పూజా హెగ్డే పేరే చెప్తారు. అల్లు అర్జున్ 'డీజె' లో పూజ వేసిన బికినీకి రాఘవేంద్ర రావు అభిమానుల నుంచి రామ్ గోపాల్ వర్మ అభిమానుల వరకూ అందరూ చిత్తై పోయారు. ఇక 'గద్దలకొండ గణేష్' లో రీమిక్స్ పాటలో ఒక్కసారిగా తన గ్లామర్ తో అతిలోక సుందరి శ్రీదేవి ని గుర్తుకు తీసుకొచ్చింది. ఇవన్నీ పక్కన పెడితే ఈ భామ ఫోటో షూట్ల కు కేరాఫ్ అడ్రెస్.

రీసెంట్ గా ఈ భామ వెడ్డింగ్ ఎఫైర్ మ్యాగజైన్ డిసెంబర్ 2019 ఎడిషన్ కవర్ పేజి కోసం ఫోటో షూట్ లో పాల్గొంది. పేరుకు వెడ్డింగ్ మ్యాగజైన్ ఫోటోషూట్ అయినప్పటికీ పూజ తనదైన శైలిలో మోడరన్ స్టైల్లో ట్రెడిషనల్ డ్రెస్ ధరించి అందాలను ఒడుపుగా వడ్డించింది. వెరైటీ ఛోళీ.. లెహెంగా ధరించి ఒక సెన్సిబుల్ పోజిచ్చింది. వేలాడుతున్న చెవికమ్మలు.. పాయలుగా మొహం పై పడుతున్న శిరోజాలు.. మొహానికి పర్ఫెక్ట్ మేకప్ తో పూజ స్టన్నింగ్ బ్యూటీ లాగా కనిపిస్తోంది. చేతి వేలికి ఉన్న రింగు కూడా వెరైటీ గా ఉంది.

అసలే పూజకు ఘాటు అభిమానులు ఎక్కువ. ఇలాంటి ఫోటోలకు వారు రేసు గుర్రం శృతి హాసన్ లాగా స్పందన తెలుపకుండా ఎలా ఊరుకుంటారు? అందుకే లక్షల కొద్దీ లైకులు కొట్టారు. వేలకొద్దీ కామెంట్లు పెట్టారు. "పూజ: ది హాట్ స్టార్".. "థోడా స్పైసీ థోడా సెక్సీ".. "గార్జియస్ బ్యూటీ".. అంటూ కొందరు కామెంట్లు పెట్టారు. ఇక పూజ సినిమాల విషయానికి వస్తే అల్లు అర్జున్ 'అల వైకుంఠపురము లో' లో హీరోయిన్ గా నటిస్తోంది. ఈ సినిమా సంక్రాంతి కి రిలీజ్ కానుంది. ఈ సినిమా కాకుండా ప్రభాస్ 'జాన్' లో కూడా హీరోయిన్ గా నటిస్తోంది.