ఫొటోటాక్‌ : బోగ్గు గని లో వరల్డ్‌ ఫేమస్‌ లవర్స్‌

విజయ్‌ దేవరకొండ హీరోగా క్రాంతి మాధవ్‌ దర్శకత్వంలో తెరకెక్కుతున్న 'వరల్డ్‌ ఫేమస్‌ లవర్‌' చిత్రం విడుదలకు సిద్దం అవుతుంది. ఈ చిత్రం పాటలను వరుసగా ప్రేక్షకుల ముందుకు తీసుకు వస్తున్నారు. ఈ చిత్రంలోని కొత్త పాటను విడుదల చేయబోతున్నట్లుగా ప్రకటించేందుకు ఈ ఫొటోను విడుదల చేయడం జరిగింది. విజయ్‌ దేవరకొండ మరియు కేథరిన్‌ తెర్సాలు బొగ్గు గనిలో సేద తీరుతున్నట్లుగా ఉన్న ఈ ఫొటో ప్రేక్షకులను ఆకట్టుకుంటుంది. బోగ్గు గనిలో ఉన్నా కూడా వారిద్దరు ఎంత అందంగా ఉన్నారంటూ నెటిజన్స్‌ కామెంట్స్‌ చేస్తున్నారు.

విజయ్‌ దేవరకొండ ఈ చిత్రంలో మూడు విభిన్నమైన పాత్రల్లో కనిపించబోతున్నాడు. ఈ చిత్రంలో మొత్తం నలుగురు హీరోయిన్స్‌ నటిస్తున్నారు. అందులో ఒక హీరోయిన్‌ గా కేథరిన్‌. విజయ్‌ దేవరకొండ మరియు కేథరిన్‌ ల జోడీ చాలా బాగుందని ఈ ఫొటో చూస్తుంటే అనిపిస్తుందని.. ఇద్దరి జోడీకి మంచి మార్కులు పడటం ఖాయం అంటూ విశ్లేషకులు అభిప్రాయం వ్యక్తం చేస్తున్నారు. భారీ అంచనాల నడుమ రూపొందుతున్న వరల్డ్‌ ఫేమస్‌ లవర్‌ చిత్రంలో విజయ్‌ దేవరకొండ ఒక పాత్రకు గాను సింగరేణిలో కార్మికుడిగా కనిపించబోతున్నట్లుగా ప్రచారం జరుగుతోంది.

అందుకే సింగరేని బొగ్గు గనిలో వీరిద్దరిపై కొన్ని రొమాంటిక్‌ సీన్స్‌ ఉంటాయేమో చూడాలి. విలక్షణమైన చిత్రాలను తెరకెక్కించే దర్శకుడిగా పేరు దక్కించుకున్న క్రాంతి మాధవ్‌ ఈ చిత్రంతో మరోసారి తన మార్క్‌ ను చూపిస్తాడని యూనిట్‌ సభ్యులు నమ్మకంగా చెబుతున్నారు. ఇదే సమయంలో ఈ చిత్రంతో కమర్షియల్‌ సక్సెస్‌ కూడా ఖాయం అని అంతా నమ్మకంగా ఉన్నారు.