పోస్టర్ టాక్ : శ్రీదేవి చిరంజీవి.. పూనకాలు లోడింగ్..!

వెంకీ మామ తర్వాత కొద్దిపాటి గ్యాప్ తీసుకుని మెగాస్టార్ చిరంజీవితో సినిమా ఫిక్స్ చేసుకున్నాడు డైరెక్టర్ బాబీ. రైటర్ కమ్ డైరెక్టర్ అవడం వల్ల అతనికి ఉన్న బెనిఫిట్స్ సినిమాను మరింత పర్ఫెక్ట్ అయ్యేలా చేస్తుంటాయి. చిరుని వాల్తేరు వీరయ్యగా పూర్తిస్థాయిలో మాస్ హీరోగా చూపించబోతున్నారు డైరెక్టర్ బాబీ. మైత్రి మూవీ మేకర్స్ నిర్మిస్తున్న ఈ సినిమాలో శృతి హాసన్ హీరోయిన్ గా నటిస్తుంది.

దేవి శ్రీ ప్రసాద్ మ్యూజిక్ అందిస్తున్న ఈ వీరయ్య సినిమాలో మొదటి సాంగ్ బాస్ పార్టీ ఇప్పటికే సూపర్ హిట్ కాగా సినిమా నుంచి సెకండ్ సింగిల్ శ్రీదేవి చిరంజీవి సాంగ్ రిలీజ్ కాబోతుంది. డిసెంబర్ 19న ఈ సాంగ్ రిలీజ్ చేయబోతున్నారు. మొన్న చిరు ఆల్రెడీ ఈ సాంగ్ కొద్దిగా లీక్ చేయగా మరో రెండు రోజుల్లో ఆ పాట రిలీజ్ కాబోతుంది. ఈ సాంగ్ రిలీజ్ ఎనౌన్స్ చేస్తూ చిత్రయూనిట్ ఒక క్రేజీ పోస్టర్ ని రిలీజ్ చేశారు. చిరంజీవి, శృతి హాసన్ ఇద్దరు సూపర్ అనేలా ఉన్నారు.

చుట్టూ మంచు కొండల్లో ఈ సాంగ్ షూట్ చేసినట్టు తెలుస్తుంది. పోస్టర్ చూస్తే మాత్రం ఈ సాంగ్ మరో బ్లాక్ బస్టర్ అవుతుందని అనిపిస్తుంది. మెగా ఫ్యాన్స్ బీ రెడీ పూనకాలు లోడింగ్ అంటూ శ్రీదేవి చిరంజీవి సాంగ్ అప్డేట్ ఇచ్చారు చిత్రయూనిట్. మెగా మాస్ ఎంటర్టైనర్ గా రాబోతున్న వాల్తేరు వీరయ్య సినిమాలో చిరుతో పాటుగా మాస్ మహరాజ్ రవితేజ కూడా స్క్రీన్ షేర్ చేసుకుంటున్నారు. రీసెంట్ గా సినిమా నుంచి వచ్చిన రవితేజ టీజర్ కూడా సోషల్ మీడియాని షేక్ చేసింది.

మెగా ఫ్యాన్స్ ని మెప్పించే అంశాలన్నిటితో ఈ మూవీ ప్లాన్ చేస్తున్నారు. 2023 సంక్రాంతి బరిలో పందెం కోడిగా దిగుతున్నాడు వాల్తేరు వీరయ్య. దేవి మ్యూజిక్ ఈ సినిమాకు స్పెషల్ ఎట్రాక్షన్ కానుందని అంటున్నారు. మరి మెగా మాస్ ఎంటర్టైనర్ గా రాబోతున్న ఈ వీరయ్య మెగా హిట్ కొడతాడా లేదా అన్నది చూడాలి.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.