ఫోటో స్టోరీ: మిల్కీ బ్యూటీకి సరిలేరు!

ఈరోజు మిల్కీ బ్యూటీ తమన్నా భాటియా పుట్టినరోజు. దాదాపు 15 ఇయర్స్ ఇండస్ట్రీ కావడంతో తమన్నాకు అభిమానులు ఎక్కువే.. సోషల్ మీడియాలో ఇప్పటికే బర్త్ డే విషెస్ హంగామా జరుగుతోంది. అంతే కాకుండా తమన్నా నటించే సినిమాల యూనిట్స్ కూడా తమన్నాకు ప్రత్యేకంగా పోస్టర్లు విడుదల చేసి మరీ జన్మదిన శుభాకాంక్షలు తెలుపుతున్నారు.

సూపర్ స్టార్ మహేష్ బాబు తాజా చిత్రం 'సరిలేరు నీకెవ్వరు' లో తమన్నా ఒక పాట లో నర్తించింది. ఈ పాట సినిమాకు ఒక హైలైట్ గా నిలుస్తుందనే అంచనాలు ఉన్నాయి. అందుకే 'సరిలేరు నీకెవ్వరు' టీమ్ ఒక పోస్టర్ రిలీజ్ చేస్తూ తమన్నాకు బర్త్ డే విషెస్ తెలిపారు. ఈ పోస్టర్ లో తమన్నా మిలిటరీ గ్రీన్ ప్యాంట్.. బ్రౌన్ - బ్లాక్ కలర్ లో ఉన్న టాప్ ధరించి ఒక సూపర్ స్టెప్ వేస్తోంది. గ్రేస్ ఫుల్ గా స్టెప్ వెయ్యడమే కాకుండా ఎంతో మంచి స్మైల్ ఇస్తోంది. మిల్కీ బ్యూటీ అనే పేరుకు తగ్గట్టే స్కిన్ కలర్ పాల మీగడలా మెరిసిపోతోంది.

ఈ పాట కాశ్మీర్ నేపథ్యంలో వస్తుందని.. మిలిటరీ ఆఫీసర్స్ వేడుకలు చేసుకునే సందర్భంలో మహేష్ బాబు - తమన్నా ఆడిపాడతారని అంటున్నారు. ఈ పోస్టర్ ను చూస్తుంటే పాటపై ఆసక్తి మరింత పెరిగేలా ఉంది. ఎప్పుడు రిలీజ్ చేస్తారో కానీ ఈ పాట మాత్రం ప్రేక్షకులకు ఫుల్ కిక్కిచ్చేలా ఉంది.