ఫొటోటాక్ : అరుదైన మెగా కలయిక

మెగా ఫ్యామిలీకి చెందిన హీరోలు ఇద్దరు ముగ్గురు కలిసి ఫొటోకు ఫోజ్‌ ఇస్తే అభిమానులకు పండుగ. అలాంటిది చిరంజీవి.. చరణ్‌ మరియు పవన్‌ కళ్యాణ్ ఒకే ఫ్రేమ్‌ లో ఉండటం అందులో అల్లు అరవింద్‌ కూడా కనిపించడం తో ఈ ఫొటో అందరి దృష్టిని ఆకర్షిస్తుంది. దాదాపు పుష్కర కాలంకు ముందు ఈ ఫొటో తీసి ఉంటారు. బ్రహ్మాజీ సోషల్‌ మీడియా లో షేర్‌ చేసి 'నా చిన్నతనంలో..' అంటూ ఫన్నీ కామెంట్‌ ను పెట్టాడు. ఈ ఫొటోలో రవితేజ కూడా కనిపించాడు. రాజా రవీంద్ర కూడా ఉన్న ఈ ఫొటో ప్రస్తుతం నెట్టింట సందడి చేస్తోంది.

బ్రహ్మాజీ రెగ్యులర్ గా సోషల్‌ మీడియాలో ఫన్నీ మూమెంట్స్ ను షేర్‌ చేస్తూ ఉంటాడు. ఈసారి కూడా తన చిన్నతనంలో అంటూ ఈ ఫొటోను షేర్‌ చేశారు. ఫొటోలో కనిపిస్తున్న వారు అందరు కూడా చాలా మారిపోయారు. అల్లు అరవింద్ మొదలుకుని పవన్‌ మరియు రవితేజ వరకు అందరు కూడా ఇప్పుడు కొత్తగా కనిపిస్తున్నారు. అప్పట్లో ఒక సినిమా షూటింగ్‌ సమయంలో ఈ ఫొటోను తీసినట్లుగా ఉన్నారు. ఆ ఫొటో వెనుక కథను మాత్రం బ్రహ్మాజీ వెళ్లడించలేదు.