ఫోటోటాక్ : బాలయ్య హీరోయిన్‌ బేబీ బంప్‌ రివీల్‌

సొంతం సినిమాతో తెలుగు ప్రేక్షకులకు పరిచయం అయిన ముద్దుగుమ్మ నమిత. ఆ సినిమా మంచి విజయాన్ని సొంతం చేసుకోవడం తో తెలుగు లో మంచి స్టార్‌ డమ్ ను దక్కించుకుంది. పలువురు స్టార్‌ హీరోలకు జోడీగా ఈ అమ్మడు నటించే అవకాశం దక్కించుకుంది. అప్పట్లో వెంకటేష్ నటించిన జెమిని సినిమా లో హీరోయిన్ గా నటించిన విషయం తెల్సిందే.

కెరీర్ ఆరంభంలో సన్నగా నాజూకుగా కనిపించిన నమిత కాలం గడుస్తున్నా కొద్ది కాస్త బరువు పెరిగింది. బొద్దుగా ఉన్నా కూడా ముద్దుగా ఉంటుంది నమిత అంటూ అభిమానులు కామెంట్స్ చేసేవారు. బొద్దుగా ఉన్నా కూడా ఏమాత్రం వెనక్కు తగ్గకుండా ఎన్నో ఆఫర్లను దక్కించుకుంది. బాలకృష్ణ సినిమా లో నటించి అందరి దృష్టిని ఆకర్షించింది.

లేడీ ఓరియంటెడ్‌ సినిమాలతో కెరీర్ లో మంచి విజయాలను దక్కించుకున్న నమిత గత కొన్నాళ్లుగా కాస్త సినిమాలకు దూరంగా ఉంటుంది. నిర్మాణతగా కూడా మారిన నమిత సినిమాల్లో ఎందుకు నటించడం లేదు అనుకుంటూ ఉండగా కొందరు ప్రెగ్నెంట్‌ అయ్యి ఉంటుందనే అనుమానాలు వ్యక్తం చేశారు. ఇప్పడు అదే నిజం అంటూ నమిత నిరూపిస్తూ తన ఫోటోలను షేర్ చేసింది.

ముద్దుగుమ్మ.. బొద్దు గుమ్మ అయిన నమిత తన బేబీ బంప్ ను షేర్ చేసి అందరిని ఆశ్చర్యపర్చింది. ఇన్నాళ్ల పాటు తాను ప్రెగ్నెంట్ అనే విషయాన్ని నమిత చెప్పక పోవడంకు కారణం ఏంటీ అంటూ అభిమానులు ప్రశ్నిస్తున్నారు. మరో ఒకటి రెండు నెలల్లో నమిత బేబీకి జన్మనిచ్చే అవకాశాలు కనిపిస్తున్నాయి. డెలవరీ ముందు తాను ప్రెగ్నెంట్‌ అనే విషయాన్ని నమిత రివీల్‌ చేయడం విశేషం.

నటిగా బిజీగా ఉన్న సమయంలోనే ఆమె పెళ్లి పీఠలు ఎక్కింది. పెళ్లి చేసుకున్న తర్వాత కూడా సినిమాల్లో నటిస్తూ కెరీర్ లో ముందుకు సాగింది. భర్త సహకారంతో నిర్మాతగా కూడా మారిన నమిత ముందు ముందు వరుసగా సినిమాలను నిర్మించాలని భావిస్తుంది.

తెలుగు మరియు తమిళంలో ఈ అమ్మడికి ఉన్న క్రేజ్ అంతా ఇంతా కాదు. కనుక డెలివరీ తర్వాత మళ్లీ నటిగా బిజీ అవ్వాలని ఈ అమ్మడిని అభిమానులు కోరుకుంటున్నారు.