ఫొటోటాక్‌ : కలర్‌ ఫుల్‌ లెహంగాలో సీతూపాప

సూపర్‌ స్టార్‌ మహేష్‌ బాబు కూతురు సితార రెగ్యులర్ గా సోషల్‌ మీడియాలో ఉంటూనే ఉంది. సీతూ పాప ఫొటోలు లేదా వీడియోలను నమ్రత లేదా మహేష్‌ బాబులు షేర్‌ చేస్తూనే ఉంటారు. వారు కాకున్నా సితారకు కూడా సొంతంగా ఒక ఇన్‌ స్టా పేజ్‌ ఉంది. అందులో ఏకంగా 2.1 లక్షల మంది ఫాలోవర్స్‌ ఉన్నారు. ఆ పేజీలో రెగ్యులర్‌ గా ఫొటోలను షేర్‌ చేస్తూ తన అమ్మ నాన్న అన్నలతో గడుపుతున్న సంతోష సమయాన్ని గురించి చెబుతూ ఉంటుంది. ఇటీవలే అమ్మ దీపావళి కానుకగా సాయి బాబ ఉంగరం ఇచ్చిందని అమ్మ ఈ ఉంగరంను ఎప్పటికి పెట్టుకుని ఉండమని కోరిందని చెప్పింది. ఇక కొన్ని గంటల ముందు ఈ ఫొటోను షేర్‌ చేసి కొత్త డ్రస్‌ అంటూ మురిసి పోయింది.

ఈ లెహంగాను తనకు డిజైన్‌ చేసి ఇచ్చిన వారికి కృతజ్ఞతలు అంటూ ఈ కలర్‌ ఫుల్‌ డ్రస్‌ వేసుకోవడం చాలా సంతోషంగా ఉందంటూ కూడా సీతూ పాప పోస్ట్‌ చేసింది. రెండు జెడలు వేసుకుని మెడలో చిన్న దండతో బొట్టుతో పక్కింటి పాపలా సితార చాలా క్యూట్‌ గా ఉందంటూ నెటిజన్స్‌ కామెంట్స్‌ చేస్తున్నారు.

మొత్తానికి సితార ఏం చేసినా ఏ డ్రస్‌ వేసుకున్నా కూడా అభిమానులు క్యూట్‌ అంటూ ప్రశంసలు కురిపిస్తూనే ఉంటారు. ఈ ఫొటోకు కూడా దాదాపుగా 40 వేల మంది లైక్‌ కొట్టారు. ఎంతో మంది క్యూట్‌ అంటూ రియాక్ట్‌ అయ్యారు. సితార చూస్తుండగానే ఎదిగుతోందని మహేష్ బాబు వారసురాలిగా సితార సినిమా రంగ ప్రవేశం చేయాలని అభిమానులు కోరుకుంటున్నారు. ఏం జరుగబోతుందో కాలమే నిర్ణయించాలి.