పిక్‌ టాక్ : బేబమ్మ అందం మరింత పెరుగుతుందా?

ఉప్పెన సినిమా తో తెలుగు ప్రేక్షకులకు పరిచయం అయిన ముద్దుగుమ్మ కృతి శెట్టి. మొదటి సినిమా తోనే బ్లాక్ బస్టర్ సక్సెస్ ను దక్కించుకున్న కృతి శెట్టి ప్రస్తుతం టాలీవుడ్‌ లో మోస్ట్‌ వాంటెడ్‌ హీరోయిన్స్ జాబితాలో చేరి పోయింది. ఉప్పెన సినిమా విడుదలకు ముందు నుండే ఈమె జోరు.. ప్రభంజనం కంటిన్యూ అవుతూ వచ్చింది. ఉప్పెన సినిమాలో బేబమ్మ పాత్రలో ఎంత క్యూట్ గా ఈమె కనిపించిందో ప్రతి ఒక్కరికి తెల్సిందే. ఆమె అందమైన నవ్వు తో పాటు ఆమె చూపులు ప్రతి ఒక్కరికి మతులు పోగొడుతాయి అనడంలో సందేహం లేదు. చిన్న వయసులోనే పెద్ద హీరోయిన్ అయిన ఈ అమ్మడు అతి త్వరలో శ్యామ్‌ సింగ రాయ్ సినిమాతో ప్రేక్షకుల ముందుకు వచ్చేందుకు సిద్దం అవుతోంది.

తాజాగా శ్యామ్‌ సింగరాయ్ రాయల్‌ ఈవెంట్ లో ఈ అమ్మడు పాల్గొంది. మరో సారి తన క్యూట్‌ లుక్ తో ప్రేక్షకులను అలరించింది. చాలా పద్దతైన నిండైన డ్రస్ లో కనిపించి కూడా అందరి దృష్టిని కృతి శెట్టి ఆకర్షించింది అనడంలో సందేహం లేదు. ఉప్పెన సినిమా తో పోల్చితే ఈ సినిమాలో కృతి శెట్టి మరింత అందంగా కనిపించబోతున్నట్లుగా ఈ ఈవెంట్‌ లో ఆమెను చూస్తుంటే అనిపిస్తుందని జనాలు అభిప్రాయం వ్యక్తం చేస్తున్నారు. శ్యామ్‌ సింగ రాయ్ సినిమా లో కీర్తి పాత్రలో కనిపించబోతున్నట్లుగా చెప్పిన కృతి శెట్టి నానితో రొమాంటిక్ కమ్‌ లవ్‌ సన్నివేశాల్లో చక్కగా ఇమిడి పోయి నటించినట్లుగా యూనిట్‌ సభ్యులు చెబుతున్నారు.

రాయల్‌ ఈవెంట్‌ లో ఈ అమ్మడు మాట్లాడుతూ నానితో వర్క్ చేయడం చాలా సంతోషంగా ఉందని చెప్పుకొచ్చింది. మా ఫ్యామిలీ మొత్తం ఆయన సినిమా లు చూసి అభిమానులం అయ్యాం. అలాంటిది ఆయనతో నటించే అవకాశం రావడం చాలా సంతోషంగా ఉందని చెప్పుకొచ్చింది. శ్యామ్‌ సింగరాయ్ సినిమా లో నాని గారితో నటించడం తో చాలా విషయాలు నేర్చుకున్నట్లుగా పేర్కొంది. ఇక దర్శకుడు రాహుల్‌ గురించి మాట్లాడుతూ ఆయన రెండవ సినిమా తీస్తున్నట్లుగా తీయలేదు. ఆయనకు ఏం కావాలో చాలా క్లారిటీ ఉంటుంది. తనకు కావాల్సింది మా నుండి రాబట్టుకునేవాడు అంటూ కృతి స్టేజ్ పై ముద్దు ముద్దు తెలుగు మాటలతో మాట్లాడింది. ఆ సమయంలో యాంకర్ సుమ కూడా మీరు తెలుగు మాట్లాడుతుంటే అలాగే వినాలని అనిపిస్తుందని అన్నారు.