పిక్ టాక్‌ : ఈ ముగ్గురు మెగా మొనగాళ్ల సినిమా కావాలి

ప్రస్తుతం సోషల్‌ మీడియాలో ఈ ఫొటో తెగ వైరల్‌ అవుతోంది. మెగా అభిమానులు ఈ ఫొటో పై రక రకాలుగా ఆకమెంట్స్ చేస్తున్నారు. ముఖ్యంగా ఈ మెగా కాంబినేషన్ లో సినిమా కావాలని అభిమానులు కోరుకుంటున్నారు. మెగా ప్రిన్స్ వరుణ్‌ తేజ్‌.. సుప్రీం హీరో సాయి ధరమ్‌ తేజ్ మరియు చిన్న మెగా అల్లుడు వైష్టవ్‌ తేజ్ కూడా వీరితో కలిసి సినిమా చేయాలని అభిమానులు ఆశిస్తున్నారు. ఈ ఫొటోలో ముగ్గురు కూడా చాలా స్టైల్‌ గా ఒక సినిమా చేస్తే బాగుంటుంది అన్నట్లుగా ఉన్నారంటూ కామెంట్స్‌ వస్తున్నాయి.

ఈ ముగ్గురు మంచి స్నేహితులుగా ఉంటారు. వీరు రెగ్యులర్‌ గా పార్టీలకు పబ్‌ లకు తిరుగుతూ ఎంజాయ్‌ చేస్తూ ఉంటారు. ఈ ముగ్గురు కలిస్తే అక్కడ సందడి వాతావరణం ఉంటుంది. ఒకరి సినిమాల గురించి ఒకరు మాట్లాడటం సలహాలు ఇచ్చుకోవడం చేస్తూ ఉంటారట. వీరు కలిసిన ప్రతి సందర్బంను కూడా ఎంజాయ్‌ చేస్తారట. ఈ విషయాన్ని వారే పలు సందర్బాల్లో ఇంటర్వ్యూల్లో చెప్పుకొచ్చారు. ఈ ముగ్గురిని ఇలా చూస్తుంటే ఇప్పుడు కాకున్నా భవిష్యత్తులో అయినా వీరి కాంబోలో సినిమా చూస్తామనే నమ్మకంను మెగా అభిమానులు వ్యక్తం చేస్తున్నారు.

ప్రస్తుతం వరుణ్‌ తేజ్‌ సినిమా విషయానికి వస్తే గని సినిమాతో విడుదలకు సిద్దంగా ఉన్నాడు. ఎఫ్‌ 3 సినిమా షూటింగ్‌ దశలో ఉంది. ఇక సాయి ధరమ్‌ తేజ్‌ రిపబ్లిక్ సినిమా విడుదలకు రెడీగా ఉంది. మరి కొన్ని సినిమాలు సెట్స్ పై మరియు చర్చల దశలో ఉన్నాయి. ఇక కొత్త కుర్రాడు వైష్ణవ్‌ తేజ్ ఫుల్‌ జోష్‌ తో దూసుకు పోతున్నాడు. ఉప్పెన సినిమాతో పరిచయం అయిన ఈయన ఇప్పటికే క్రిష్‌ దర్శకత్వంలో ఒక సినిమాను చేసేశాడు. ప్రస్తుతం గిరీశయ్య దర్శకత్వంలో ఒక సినిమాను చేస్తున్నాడు.

ఇవి మాత్రమే కాకుండా ఆయన వద్దకు నాలుగు అయిదు కథలు వచ్చాయని.. వాటికి కూడా త్వరలో ఓకే చెప్పే అవకాశాలు ఉన్నాయని అంటున్నారు. మొత్తానికి ఈ ముగ్గురు బిజీ బిజీగా ఉన్నా ఈ ముగ్గురు కలిసి ఒక సినిమా చేయాలని అభిమానులు బలంగా కోరుకుంటున్నారు. ఈ ముగ్గురు మెగా మొనగాళ్ల సినిమా ఎప్పుడు వస్తుందో వెయిట్‌ చేద్దాం అంటూ నెటిజన్స్‌ కామెంట్స్ చేస్తున్నారు.