పిక్ టాక్ : మెగాస్టార్ తో బిబి5 కంటెస్టెంట్స్

తెలుగు బిగ్‌ బాస్ సీజన్ 5 ముగింపు దశకు వచ్చింది. గత రెండు సీజన్ లకు మెగా స్టార్‌ చిరంజీవి గెస్ట్‌ గా హాజరు అయిన విషయం తెల్సిందే. ఈసారి ఎవరు గెస్ట్‌ గా వస్తారు అనే ఆసక్తి అందరిలో కనిపిస్తుంది. మరో వారం రోజుల్లో జరుగబోతున్న ఫినాలే ఎపిసోడ్ కు సంబంధించిన సన్నాహకాలు జరుగుతున్నాయని తెలుస్తోంది. ఇదే సమయంలో యాంకర్‌ రవి మరియు లోబోలు ఇద్దరు కలిసి మెగాస్టార్‌ చిరంజీవిని కలవడం చర్చనీయాంశం అయ్యింది. చిరంజీవిని వీరు ఎక్కడ కలిశారు అనేది చర్చనీయాంశంగా మారింది. ప్రస్తుతం చిరంజీవి సినిమా చిత్రీకరణ లో పాల్గొంటున్నాడు. సినిమా షూటింగ్ ఏది అనే విషయం క్లారిటీ లేదు కాని చిరంజీవి లుక్ మాత్రం చాలా స్టైలిష్ గా ఉందంటూ కామెంట్స్ వస్తున్నాయి.

చిరంజీవి నటిస్తున్న సినిమా లో వీరు ఏమైనా నటిస్తున్నారా లేదంటే రవి మరియు లోబోలు కలిసి ఏదైనా పని మీద చిరంజీవిని కలిశారా అనేది క్లారిటీ లేదు. మొత్తానికి ఈ బిగ్‌ బాస్ 5 కంటెస్టెంట్స్ చిరంజీవిని కలవడంతో చర్చనీయాంశం అయ్యింది. చిరంజీవితో యాంకర్ రవి మరియు లోబోలు ఉన్న ఫొటోలు వైరల్‌ అవుతున్నాయి. నెట్టింట చిరంజీవిని అలా స్టైలిష్‌ గా చూడక చాలా రోజులు అయ్యిందని అభిమానులు కామెంట్స్ చేస్తున్నారు. ఆ కారణం వల్లే ఈ ఫొటో నెట్టింట వైరల్‌ అవుతుందనే అభిప్రాయం వ్యక్తం అవుతోంది. చిరంజీవి ప్రస్తుతం ఆచార్య సినిమా ను విడుదల చేసేందుకు సిద్దం చేస్తున్నాడు. ఇదే సమయంలో మలయాళం మూవీ కి రీమేక్ అయిన గాడ్ ఫాదర్ మరియు తమిళ మూవీకి రీమేక్ అయిన భోళా శంకర్‌ సినిమాలు మాత్రమే కాకుండా ఇటీవల బాబీ దర్శకత్వంలో చిరంజీవి నటిస్తున్న సినిమా కూడా మొదలు అయ్యింది.

ఒకే నెలలో నాలుగు సినిమాల షూటింగ్‌ లు చేస్తున్న చిరంజీవి అరుదైన రికార్డును దక్కించుకున్నాడు అంటూ నెటిజన్స్‌ అభిప్రాయం వ్యక్తం చేస్తున్నారు. చిరంజీవి ఎంత బిజీగా ఉన్నా కూడా తన సన్నిహితులకు మరియు అభిమానులకు సమయం ఇస్తూనే ఉంటాడు. తన కోసం వచ్చిన వారిని ఖచ్చితంగా చిరంజీవి ఆశీర్వదిస్తాడనే టాక్‌ ఉంది. అందుకే వీరిద్దరు కలిసి వెళ్లింది ఏదైనా కార్యక్రమానికి ఆహ్వానించడానికి అయ్యి ఉంటుందా అని కొందరు ఊహల్లో తేలిపోతున్నారు. ఎవరికి వారు ఏదో ఒకటి ఊహించుకుంటూ ఉన్నారు. చిరంజీవి కి యాంకర్‌ రవి మరియు లోబోలు అంటే ప్రత్యేకమైన అభిమానం. కనుక చిరంజీవి వారిని కలిసేందుకు వెంటనే ఓకే చెప్పినట్లుగా తెలుస్తోంది.