పిక్ టాక్: జానీ బ్యాండ్ తో పవర్ స్టార్..!

పవర్ స్టార్ పవన్ కళ్యాణ్ - దగ్గుబాటి రానా కాంబినేషన్ లో ఓ మల్టీస్టారర్ తెరకెక్కుతున్న సంగతి తెలిసిందే. మలయాళ 'అయ్యప్పనుమ్ కోషియమ్' సినిమాకి తెలుగు రీమేక్ గా వస్తున్న ఈ చిత్రానికి సాగర్ కె.చంద్ర దర్శకత్వం వహిస్తున్నాడు. దీనికి దర్శకుడు త్రివిక్రమ్ శ్రీనివాస్ స్క్రీన్ ప్లే - మాటలు అందిస్తున్నాడు. పీడీవీ ప్రసాద్ సమర్పణలో సితార ఎంటర్టైన్మెంట్స్ బ్యానర్‌ లో సూర్యదేవర నాగవంశీ ఈ చిత్రాన్ని నిర్మిస్తున్నాడు. ఇటీవలే స్టార్ట్ అయిన సినిమా షూటింగ్ శరవేగంగా జరుగుతోంది. తాజాగా పవన్ సెట్స్ లో ఉన్న ఓ ఫోటో నెట్టింట వైరల్ అవుతోంది.

పవన్ కళ్యాణ్ ఈ ఫొటోలో చేతికి జానీ పేరు బ్యాండ్ కట్టుకుని, మెడలో తాయిత్తు వేసుకుని కనిపిస్తున్నాడు. ఇందులో పవన్ పవర్ ఫుల్ పోలీస్ ఆఫీసర్ గా నటిస్తున్నాడు. మరి ఈ జానీ బ్యాండ్ ఏంటి అనేది తెలియాలంటే ఇంకొన్నాళ్లు ఆగాల్సిందే. ఈ చిత్రానికి ఎస్‌.ఎస్‌ థమన్‌ స్వరాలు సమకూరుస్తున్నారు. ప్రసాద్ మూరెళ్ళ సినిమాటోగ్రాఫర్ గా వ్యవహరిస్తున్నాడు. ఏ ఎస్ ప్రకాష్ ఆర్ట్ డైరెక్టర్ గా.. నవీన్ నూలి ఎడిటర్ గా వర్క్ చేస్తున్నారు.