పిక్ టాక్‌ : గోల్డెన్ గ్లోబ్ వేదికపై రామరాజు రాజసం

ఆర్ఆర్ఆర్ సినిమా నాటు నాటు సాంగ్ బెస్ట్‌ ఒరిజినల్‌ సాంగ్ కేటగిరీలో గోల్డెన్ గ్లోబ్ అవార్డును సొంతం చేసుకుంది. ఈ అవార్డు వేడుకలో ఆర్ఆర్ఆర్ యూనిట్‌ సభ్యులు చాలా ప్రత్యేకంగా కనిపించారు. రామ్‌ చరణ్ ఈ వేడుకలో బ్లాక్ షేర్వాణీ లో సందడి చేశాడు.

సాధారణంగానే రామ్ చరణ్‌ లుక్ చాలా స్టైలిష్ గా ఉంటుంది. అలాంటిది చరణ్ అంతర్జాతీయ వేడుకలో పాల్గొన్న సమయంలో ఆయన లుక్ మరింత విభిన్నంగా అదే సమయంలో స్టైలిష్ గా ఉండాలని అభిమానులు కోరుకుంటారు. అంతా కోరుకున్నట్లుగానే గోల్డెన్ గ్లోబ్‌ వేడుకలో చరణ్ అదరగొట్టాడు.

రామ్‌ చరణ్ తో పాటు ఉపాసన కూడా ఈ వేడుకలో పాల్గొన్నారు. ఆమె ప్రస్తుతం గర్భవతి అనే విషయం తెల్సిందే.

అయినా కూడా ఈ ప్రత్యేక కార్యక్రమంలో పాల్గొనడం కోసం యూఎస్ వెళ్లారు. అక్కడ ఉపాసన చీర కట్టులో కనిపించి సందడి చేశారు.

రామ్‌ చరణ్ ఆర్ఆర్ఆర్ సినిమాలో అల్లూరి సీతారామ రాజు పాత్రలో నటించాడు. నాటు నాటు సాంగ్ లో ఎన్టీఆర్ తో కలిసి రామ్‌ చరణ్ డాన్స్ తో కుమ్మేశాడు.

చరణ్ మరియు ఎన్టీఆర్ లు కలిసి వేసిన డాన్స్ కారణంగానే ఈ స్థాయిలోనే నాటు నాటుకు మంచి రెస్పాన్స్ వచ్చింది అనడంలో సందేహం లేదు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.