తిండి మానేసిన అంజ‌లి ఇలా అయ్యింది!

అస‌లు అది ఎవ‌రు? మ‌న సీత‌ అంజ‌లేనా? ఇంత‌గా మారిపోయింది.  రూపం గుర్తు ప‌ట్ట‌లేనంత‌గా?  మ‌రీ సైజ్ జీరో పేరుతో శ‌రీరాన్ని బాగా హింసించింది!! ఇదీ అంజ‌లి లేటెస్ట్ ఫోటో చూడ‌గానే అంద‌రిలో డౌట్. అయితేనేం అంజ‌లికి ఈ మేకోవ‌ర్ ఎంతో బావుంది. బొద్దుత‌నం నుంచి పూర్తిగా మారిపోయింది. ఇలాంటి స్లిమ్ లుక్ తో క‌నిపిస్తే మునుముందు క్రేజీ నంబ‌ర్ల‌లో ఛాన్సులు ద‌క్కే వీలుంది.

నితిన్ `మాచర్ల నియోజకవర్గం` చిత్రంలో అంజ‌లి స్పెష‌ల్ పాట ఒక ఊపు ఊప‌నుంది. ఈ చిత్రంలోని `రా రా రెడ్డి` పాట అంద‌ర‌లోకి దూసుకెళ్లిన సంగ‌తి తెలిసిందే. చార్ట్ బ‌స్ట‌ర్ సాంగ్ ఇది.

ఇటీవ‌లి కాలంలో అత్యధికంగా వీక్షించిన వీడియోలలో ఒకటిగా మాత్రమే కాకుండా సోషల్ మీడియాలో ఈ పాట ఒక రేంజులో వైర‌ల్ అయ్యింది.

చాలా మంది ఈ పాట‌కు యాప్ ల‌లో అనుస‌ర‌ణ‌లు సృష్టిస్తున్నారు. పాట హుక్ స్టెప్ ను అనుకరించడానికి ప్రయత్నిస్తున్నారు. మొత్తానికి రారా రెడ్డి పాట స్పంద‌న చూశాక అంజ‌లి ఫుల్ జోష్ లో ఉంది.

పాట చిత్రీక‌ర‌ణ స‌మ‌యంలోనిది ఈ ఫోటోగ్రాఫ్. చీర ర‌వికెలో ఎంతో అందంగా ముస్తాబై ర‌క‌ర‌కాల భంగిమ‌ల్లో అంజ‌లి ఫోజులిచ్చింది. ఈ స్లిమ్ లుక్ లో త‌న అందం రెట్టింపైంది.

ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారాయి. చాలా గ్యాప్ త‌ర్వాత అంజలి తెలుగు అభిమానుల ముందుకు వ‌స్తుంటే ఆ జోష్ మ‌రో లెవ‌ల్లో క‌నిపిస్తోంది. అంజ‌లి న‌టించే స్ట్రెయిట్ తెలుగు సినిమాల వివ‌రాలు వెల్ల‌డి కావాల్సి ఉంది. త‌మిళంలో ప‌లు చిత్రాల‌తో బిజీగా ఉంది.