నాని లాంచ్ చేసిన సూప‌ర్ క్యూట్ ఫిల్మ్ పోస్ట‌ర్

త‌న‌కు కెరీర్లో సాయ‌ప‌డ్డ వాళ్లెవ్వ‌రినీ మ‌రిచిపోడు నాని. వాళ్ల‌కు ఏదో ర‌కంగా త‌న వంతుగా తోడ్పాటు అందిస్తుంటాడు. త‌న తొలి చిత్ర ద‌ర్శ‌కుడు ఇంద్ర‌గంటి మోహ‌న‌ కృష్ణ క‌ష్ట‌కాలంలో ఉండ‌గా జెంటిల్ మ‌న్ సినిమా చేశాడు. ఆ సినిమాతో అసోసియేట్ అయిన ప్ర‌తి ఒక్క‌రికీ త‌న వంతుగా ఏదో ర‌కంగా సాయ‌ప‌డ్డాడు. తాజాగా ఆ చిత్ర నిర్మాత‌ల్లో ఒక‌రైన రామ్మోహ‌న్ కోసం ఒక సాయం చేశాడు నాని. రామ్మోహ‌న్ నిర్మాణంలో తెర‌కెక్కిన కొత్త సినిమా ‘పిట్ట‌గోడ‘ పోస్ట‌ర్ని త‌న చేతుల మీదుగా లాంచ్ చేశాడు. ఈ సూప‌ర్ క్యూట్ ఫిల్మ్ పోస్ట‌ర్ రిలీజ్ చేస్తున్నందుకు చాలా ఆనందంగా ఉందంటూ ట్విట్ట‌ర్లో ఆ పోస్ట‌ర్ని ప్రెజెంట్ చేశాడు నాని.

ఓ అమ్మాయి అబ్బాయి క‌ళ్ల‌లోకి క‌ళ్లు పెట్టుకుని చూసుకుంటూ త‌న్మ‌య‌త్వంలో మునిగిపోయి ఉంటే.. పిట్ట‌గోడ మీద కూర్చుని ఆబ‌గా చూస్తున్నారు ముగ్గురు కుర్రాళ్లు. పోస్ట‌ర్ క‌ల‌ర్ ఫుల్ గా చూడ్డానికి బాగానే అనిపిస్తోంది. కొత్త ద‌ర్శ‌కుడు కేవీ అనుదీప్ రూపొందిస్తున్నఈ చిత్రంతో విశ్వ‌దేవ్ రాచ‌కొండ అనే కొత్త అబ్బాయి హీరోగా ప‌రిచ‌య‌మ‌వుతున్నాడు. ‘ఉయ్యాల జంపాల‌‘ ఫేమ్ పున‌ర్ణ‌వి భూపాలం క‌థానాయిక‌గా న‌టిస్తోంది. మిగ‌తా న‌టీన‌టులంద‌రూ చాలా వ‌ర‌కు కొత్త‌వాళ్లే. ‘ప్రాణం’ ఫేమ్ పోయిన క‌మ‌లాక‌ర్ సంగీతాన్నందిస్తున్నాడు. సురేష్ బాబు స‌మ‌ర్ప‌ణ‌లో రామ్మోహ‌న్ ఈ చిత్రాన్ని నిర్మిస్తున్నాడు.



Like Us on Facebook : https://www.facebook.com/Tupakidotcom/