చిన్న గోడ.. పెద్ద హిట్టు కొడుతుందా?

ఈ ఏడాది చిన్న సినిమాల సంచలనాలు చూస్తూనే ఉన్నాం. క్షణంతో ప్రారంభిస్తే.. రీసెంట్ గా ఎక్కడికి పోతావు చిన్నవాడా వరకూ పలు చిన్న చిత్రాలు సంచలన విజయాలు సాధించాయి. ఇప్పుడు పిట్టగోడ అనే మూవీపై కూడా ఇలాంటి అంచనాలే ఇండస్ట్రీలో ఉన్నాయి. ఇందుకు కారణం నిర్మాత రామ్ మోహన్ పి.

రామ్ మోహన్ నిర్మాణంలో వచ్చిన లో బడ్జెట్ మూవీస్ అఖండ విజయం సాధించాయి. ఇండస్ట్రీకి కొత్త తారలను అందించాయి. ఇంద్రగంటి మోహన్ కృష్ణతో తీసిన అష్టాచెమ్మాతో.. టాలీవుడ్ కి నాని హీరోగా పరిచయమయ్యాడు. ఆ తర్వాత ఉయ్యాలా జంపాలా తీయగా ఇది కూడా మంచి విజయం సాధించడంతోపాటు రాజ్ తరుణ్-అవికా గోర్ లు టాలీవుడ్ లో బిజీ అయిపోయారు. ఇప్పుడు పిట్టగోడ అంటూ మరోసారి కొత్తవాళ్లతో సినిమా తీసి ప్రేక్షకుల ముందుకు వస్తున్నారు. రీసెంట్ గా రిలీజ్ అయిన ట్రైలర్ కు మంచి స్పందన రావడంతోపాటు.. యూట్యూబ్ వ్యూస్ లో రికార్డుల వైపు పరుగులు పెడుతోంది.

విశ్వదేవ్ రాచకొండ హీరోగా నటించగా.. ఉయ్యాల జంపాల చిత్రంలో హీరోయిన్ ఫ్రెండ్ గా నటించిన పునర్వవి భూపాలం హీరోయిన్ గా పరిచయం అవుతోంది. గోదావరి ఖనికి చెందిన కుర్రాళ్లు.. పిట్టగోడపై కూర్చుని ఎలాంటి హంగామా చేశారు.. అది ఎలాంటి మలుపులు తీసుకుందన్నదే ఈ మూవీ థీమ్. అనుదీప్ కె.వి. ఈ చిత్రానికి దర్శకత్వం వహిస్తున్నాడు.

Like Us on Facebook : https://www.facebook.com/Tupakidotcom/