ఈ కొత్త ఐటెం పాపను చూశారా?

మన దేశంలోకి చాలామంది హీరోయిన్స్ ఇతర దేశాల నుంచి దిగుమతి అవుతున్నారు. శ్రీలంక అందాలు.. యూరోప్ బ్యూటీలు.. ఇలా మనవాళ్లు చాలామంది అందాల దేవతలనే ఆరాధిస్తుంటారు. ఇక ఐటెం సాంగ్స్ కోసం అయితే ప్రపంచం అంతా జల్లెడ పట్టేస్తుంటారు. ఇప్పుడు మరో ఐటెం బ్యూటీ ఇండియన్ స్క్రీన్ పై మెరుపులు మెరిపించేందుకు వచ్చేస్తోంది.

హసీనా పార్కర్ అంటూ దావూద్ ఇబ్రహీం సోదరి జీవితంపై రూపొందుతున్న చిత్రాన్ని శ్రద్ధా కపూర్ ప్రధాన పాత్రలో రూపొందిస్తున్నారు. ఈ నెల 22 న హసీనా పార్కర్ రిలీజ్ కానుండగా.. ఇప్పుడీ మూవీ పబ్లిసిటీ యాక్టివిటీస్ ఫుల్ పేస్ లో ఉన్నాయి. ఇప్పటికే తేరే బినా.. బంతాలి.. అంటూ సాగే పాటలను విడుదల చేయగా.. ఇప్పుడు 'పియా ఆ' అంటూ సాగే ఐటెం సాంగ్ ప్రోమోను రిలీజ్ చేశారు. ఈ ఏడాదికి బెస్ట్ ఐటెం సాంగ్ నిలిచే పొటెన్షియల్ ఉన్న ఈ పాటకు కంపోజిషన్ తో పాటు.. మరో అద్భుతమైన ఆకర్షణ కూడా జోడించారు. ఆ అట్రాక్షన్ ఏంటో తెలుసో.. ఇండో-ఆస్ట్రేయిలన్ అందం సారా అంజూలీ. ఈ వయ్యారి భామను బాలీవుడ్ తెరపై తొలిసారిగా చూపించబోతున్నారు. హై ఎనర్జీతో కూడిన స్టెప్స్ తో సారా అంజూలీ ఓ రేంజ్ లో ఆకట్టుకుంటోంది.

మత్తెక్కించే మూమెంట్స్ చూస్తుంటే.. అమ్మడికి ఇండియాలో చాలానే ఫ్యూచర్ ఉందనే సంగతి అర్ధమవుతోంది. దావూద్ ఇబ్రహీం పాత్రలో నటిస్తున్న సిద్ధార్ధ కపూర్ తో కలిసి ఈ పాటలో డ్యాన్సులు వేసింది సారా అంజూలీ. అపూర్వ లఖియా దర్శకత్వంలో రూపొందుతున్న ఈ చిత్రంపై.. ఇండస్ట్రీలో చాలానే అంచనాలు ఉన్నాయి.