ప‌వన్ బ‌ర్త్‌డేకు స‌ర్ ప్రైజ్ ప్లాన్ చేస్తున్నారా?

ప‌వ‌ర్ స్టార్ ప‌వ‌న్ క‌ల్యాణ్ గ‌త కొంత కాలంగా క్రియాశీల రాజ‌కీయాల్లో పాల్గొంటూ జ‌న‌సేన పార్టీ త‌రుపున ఏపీ రాజ‌కీయాల్లో చక్రం తిప్పుతున్నారు. పార్టీ కార్య‌క‌లాపాల కార‌ణంగా గ‌తంలో మూడేళ్ల పాటు సినిమాల‌కు దూరంగా వుంటూ వ‌చ్చారు. ఫ్యాన్స్ బ‌లంగా సినిమాలు చేయాల్సిందేన‌ని కోర‌డంతో వారి కోరిక మేర‌కు మ‌ళ్లీ మూడున్న‌రేళ్ల విరామం త‌రువాత 'వ‌కీల్ సాబ్‌' మూవీతో ప్రేక్ష‌కుల ముందుకొచ్చారు. ఈ రీమేక్ మూవీ సంచ‌ల‌న విజ‌యం సాధించ‌డంతో ఫ్యాన్స్ ఖుషీ అయ్యారు.

మళ్లీ ప‌వన్ ఫ్యాన్స్ కోసం రీమేక్ మూవీనే ఎంచుకుని ప్రేక్ష‌కుల ముందుకొచ్చారు అదే 'భీమ్లానాయ‌క్‌'. మ‌ల‌యాళ హిట్ ఫిల్మ్ 'అయ్య‌ప్ప‌నుమ్ కోషియుమ్‌' ఆ ధారంగా ఈ మూవీని చేశారు. అయితే ఈ మూవీ త‌రువాత 'హ‌రి హ‌ర వీర‌మ‌ల్లు'ని ప‌ట్టాలెక్కిస్తార‌నుకుంటే అది జ‌ర‌గ‌డం లేదు. దీంతో ప‌వ‌న్ ఫ్యాన్స్ కొంత నిరుత్సాహానికి గుర‌వుతున్నార‌ట‌. ప‌వ‌న్ నుంచి మునుప‌టి స్థాయి మెరుపుల‌, మేన‌రిజ‌మ్స్‌, స్టైల్ ఇక క‌ష్ట‌మేనా అని ఆలోచ‌న‌లో ప‌డుతున్నారు.

ఇదిలా వుంటే సెప్టెంబ‌ర్ 2న ప‌వ‌ర్ స్టార్ ప‌వ‌న్ క‌ల్యాణ్ బ‌ర్త్ డే వేడుక‌లు జ‌ర‌గ‌బోతున్నాయి. ఇందు కోసం ప‌వ‌న్ న‌టించిన బ్లాక్ బ‌స్ట‌ర్ మూవీస్ జ‌ల్సా, బ‌ద్రి సినిమాలని ప్ర‌త్యేకంగా ప్ర‌ద‌ర్శించ‌బోతున్నారు. ఇందు కోసం ఏర్పాట్టు కూడా జ‌ర‌గుతున్న విష‌యం తెలిసిందే. 'జ‌ల్సా'ని 4 కెలోకి మార్చి ఫ్యాన్స్ కోసం ప్ర‌త్యేకంగా విడుద‌ల చేస్తున్నారు. ఉభ‌య తెలుగు రాష్ట్రాల‌తో పాటు యుఎస్ లోనూ, చెన్నై, బెంగ‌ళూరుచ యూఎస్ ఏ లోనూ భారీగా ప్రివ్యూ షోల‌ని ప్లాన్ చేస్తున్నారు.

ఇదిలా వుంటే అంతా బాగానే వుంది కానీ 'హ‌రి హ‌ర విర‌మ‌ల్లు' నుంచి ఎలాంటి అప్ డేట్ రావ‌డం లేద‌ని ఫ్యాన్స్ అప్ డేట్ కోసం చాలా రోజులుగా ఎదురుచూస్తున్నారు.

క్రిష్ డైరెక్ష‌న్ లో స్టార్ ప్రొడ్యూస‌ర్ ఏ.ఎం. ర‌త్నం.. ఏ. ద‌యాక‌ర్ రావుతో క‌లిసి ఈ మూవీని అత్యంత ప్ర‌తిష్టాత్మ‌కంగా నిర్మిస్తున్నారు. అయితు గ‌త కొంత కాలంగా ఈ మూవీ రెగ్యుల‌ర్ షూటింగ్ ముందుకు క‌ద‌ల‌డం లేదు. ప‌వ‌న్ పుట్టిన రోజున అయినా ఈ మూవీకి సంబంధించిన గుడ్ న్యూస్ ని మేక‌ర్స్ వినిపిస్తారా? అని ఫ్యాన్స్ ఆస‌క్తిగా ఎదురుచూస్తున్నార‌ట‌.

ఈ నేప‌థ్యంలో మేక‌ర్స్ ప‌వ‌న్ ఫ్యాన్స్ కు పుట్టిన రోజు సంద‌ర్భంగా స‌ర్ ప్రైజ్ గిఫ్ట్ ని అందించ‌బోతున్నార‌ని తెలిసింది. ఇప్ప‌టికే 'హ‌రి హ‌ర వీర‌మ‌ల్లు' టీజ‌ర్ రిలీజ్ అయిన విష‌యం తెలిసిందే. అయితే ఈ సారి పుట్టిన రోజు స్పెష‌ల్ గా ప‌వ‌న్ న‌టించిన పోరాట ఘ‌ట్టాల‌కు సంబంధించిన స్మాల్ గ్లింప్స్ ని రిలీజ్ చేయాల‌నే ఆలోచ‌న‌లో మేక‌ర్స్ వున్న‌ట్టుగా తెలిసింది. నిజంగా ఇది ప‌వ‌న‌ర్ ఫ్యాన్స్ కి పండ‌గే అని అంటున్నారు.