పూరి బ‌ర్త్ డే..తెలంగాణ‌లో స్పెష‌ల్ ప్లాన్స్!

డ్యాషింగ్ డైరెక్ట‌ర్ పూరి జ‌గ‌న్నాధ్ క్రేజ్ గురించి చెప్పాల్సిన ప‌నిలేదు. ఓ సెక్ష‌న్ ఆడియ‌న్స్ లో పూరి మాస్ క్రేజ్ ప్రత్యేకం. ఓ ద‌ర్శ‌కుడి బ్రాండ్ తో సినిమా మార్కెట్ అవుతుంది అన్న ట్యాగ్ పూరికే చెల్లింది. పూరి పేరిట తెలుగు రాష్ర్టాల్లో విగ్ర‌హాలే వెలిసాయి. అదీ పూరి బ్రాండ్. కొన్నేళ్ల క్రిత‌మే క‌రీంన‌గ‌ర్ జిల్లాలో పూరి బ‌ర్త్ డే సంద‌ర్భంగా విగ్ర‌హాన్ని ఏర్పాటు చేసి పాలాభి షేకం చేసారు అక్క‌డి అభిమానులు.

ఆ త‌ర్వాత ప్ర‌తీ పుట్టిన రోజుకి పాలాభిషేకం చేస్తున్నారు. త్వర‌లో 'లైగ‌ర్' సినిమాతో తెలంగాణ ప్రాంతానికి చెందిన విజ‌య్ దేవ‌ర‌కొండని పాన్ ఇండియా స్టార్ గా ఆవిష్క‌రించ‌బోతున్నాడు. ఇద్దరి కాంబినేష‌న్ లో వ‌స్తోన్న తొలి చిత్ర‌మిది. సినిమాపై ఎలాంటి అంచ‌నాలున్నాయో చెప్పాల్సిన ప‌నిలేదు. ఇప్ప‌టికే రిలీజ్ అయిన ప్ర‌చార చిత్రాల‌తో బాక్సాఫీస్ వ‌ద్ద‌ సంచ‌ల‌నం సృష్టించ‌డం ఖాయ‌మంటూ అభిమానులు ధీమాగా ఉన్నారు.

ఈ సినిమాతో విజ‌య్ రేంజ్ అంత‌కంత‌కు పెరుగుతుంద‌ని ఫ్యాన్స్ ఎంతో కాన్పిడెంట్ గా క‌నిపిస్తున్నారు. ఈనేప‌థ్యంలో సెప్టెంబ‌ర్ 28న‌ పూరి బ‌ర్త్ డేని క‌రీంన‌గ‌ర్ ఫ్యాన్స్ ప్ర‌త్యేక సెల‌బ్రేష‌న్స్ కి రెడీ అవుతున్నారా? అంటే అవున‌నే వినిపిస్తుంది. ఈసారి పూరి పుట్టిన రోజుని అంబ‌రాన్ని అంటే స్థాయిలో సెల‌బ్రేష‌న్లు షరూ చేస్తున్న‌ట్లు స‌మాచారం.

త‌మ ప్రాంతానికి చెందిన న‌టుడ్ని పాన్ ఇండియాలో ప‌రిచ‌యం చేయ‌డం స‌హా ఎన్నో కార‌ణాలు ఈ స్పెష‌ల్ సెల‌బ్రేష‌న్స్ కి కార‌ణంగా వినిపిస్తున్నాయి. మ‌రి ఈ సెల‌బ్రేష‌న్స్ కేవ‌లం క‌రీంన‌గ‌ర్ కే ప‌రిమితం అవుతాయా? రాష్ట్ర వ్యాప్తంగా పెద్ద ఎత్తున ప్లాన్ చేస్తారా? అన్న‌ది చ‌ర్చ‌ల ద‌శ‌లో ఉంద‌ని స‌మాచారం. విజ‌య్ దేవ‌ర‌కొండ‌ స‌న్నిహితులు..స్నేహితులు మాత్రం పెద్ద ఎత్తున నిర్వ‌హిస్తే బాగుంటుంద‌ని భావిస్తున్నారుట‌.

పూరి లాంటి స్టార్ డైరెక్ట‌ర్ తో విజ‌య్ కి ఛాన్స్ ఇవ్వ‌డం అన్న‌ది చిన్న విష‌యం కాద‌ని... త‌న‌లో ప్ర‌తిభ‌ని గుర్తించిన అవ‌కాశం గా భావించి పూరి పై అభిమానాన్ని బ‌ర్త్ డే సెల‌బ్రేష‌న్స్ రూపంలో చాటాల‌ని ప్లాన్ చే స్తున్న‌ట్లు తెలిసింది.

విజ‌య్ తో సినిమా చేస్తున్నాడ‌ని వార్త‌లొచ్చిన నేప‌థ్యంలో ఆ మ‌ధ్య విజ‌య్ ఫ్యాన్స్ గ‌జ మాల‌తో పూరిని ఘ‌నంగా స‌త్క‌రించారు. పూరి జ‌న‌రేష‌న్ ద‌ర్శ‌కుల్లో ఇంత వ‌ర‌కూ ఏ ద‌ర్శ‌కుడ్ని ఇలా స‌త్క‌రించింది కూడా లేదు.