రాముతో అది మానిపించేశారా??

తెలుగువారి ఆరాధ్య నటుడు ఎన్.టి. రామారావు పేరు తెలియని తెలుగు వారుండరు. ఎన్టీఆర్ జీవిత విశేషాలు చాలామందికి తెలిసినవే అయినా ఆ మధ్య ఆయన జీవిత చరిత్రను సినిమా తీయడానికి ఒకే టైంలో ఒకళ్లిద్దరు కాదు.. ఏకంగా ముగ్గురు రెడీ అయిపోయారు. ఎన్టీఆర్ తనయుడు బాలకృష్ణ తండ్రి పాత్రను పోషిస్తూ సినిమా తీయడానికి ప్లాన్ చేసుకున్నాడు. ఎన్టీఆర్ రెండో వివాహం చేసుకున్న లక్ష్మీపార్వతి యాంగిల్ నుంచి ఓ సినిమా తీస్తానని వివాదాలకు కేరాఫ్ అడ్రస్ అయిన రామ్ గోపాల్ వర్మ ముందుకొచ్చాడు. ఇంతలోనే చెన్నై నుంచి కేతిరెడ్డి జగదీశ్వర్ రెడ్డి ఇక్కడికొచ్చి ఆర్జీవీ సినిమాకు యాంటీగా లక్ష్మీస్ వీరగ్రంథం అంటూ లక్ష్మీపార్వతి మొదటి వివాహం తాలూకూ కథతో సినిమా తీస్తామని రెడీ అయిపోయాడు.

ఈ మూడింటిలో ఇంతవరకు ఏ మూవీ కూడా ప్రస్తుతం నిర్మాణంలో లేదు. కేతిరెడ్డి సినిమా స్టార్ట్ చేశాడే కానీ తరవాత చడీచప్పుడు లేదు. రామ్ గోపాల్ వర్మ సినిమాపైనా ఎలాంటి అప్ డేట్స్ లేవు. ఎంచుకున్న సబ్జెక్ట్ తోనే బోలెడు వివాదాలను బోనస్ గా దక్కించుకున్న రామ్ గోపాల్ వర్మ ప్రస్తుతం లక్ష్మీస్ ఎన్టీఆర్ ప్రాజెక్టు పక్కన పెట్టేశాడని తెలుస్తోంది. ఈ మూవీ తీయొద్దంటూ కొందరు పెద్దలు పెద్దలు అన్ని విధాలుగా ప్రయత్నించి ఆర్.జి.వి. సినిమా తీసే ప్రయత్నాన్ని మానిపించేశారని టాలీవుడ్ లో టాక్ వినిపిస్తోంది. ఈ పిక్చర్ తీయడం వల్ల వచ్చే బెనిఫిట్ కంటే నష్టాలే ఎక్కువని ఆర్.జి.వి.కి చేసిన హితబోధ వర్కవుట్ అయిందనేది ఏపీ అధికార పక్ష నాయకుల మాట.

నిజానికి లక్ష్మీస్ ఎన్టీఆర్ సినిమాకు ఆంధ్రాలో ప్రతిపక్షం నుంచి రామ్ గోపాల్ వర్మకు ముందు మంచి సపోర్ట్ వచ్చింది. దీంతో సినిమా తీయడానికి అడుగు ముందుకేశాడు. అయితే ఈమధ్య కడప పేరిట ఓ వెబ్ సీరియల్ కూడా తీస్తున్నానంటూ ఫ్యాక్షన్ హత్యలకు సంబంధించి దారుణమైన రక్తపాతం నింపేసి ఓ ట్రయిలర్ వదిలాడు. ఇది చూశాక సీమలోని రాజకీయ నాయకులంతా ఆర్.జి.వి. పేరెత్తితే మండిపోతున్నారట. ఈ టైంలో అటు నుంచి సపోర్ట్ రాకపోవడం కూడా ఆర్.జి.వి. మనసు మార్చుకోవడానికి కారణమని ఓ రూమర్ వినిపిస్తోంది. మరి దీనిపై రామ్ గోపాల్ వర్మ ఏమంటాడో?