అమ్మవారి గుడిలో బుట్టబొమ్మ సందడి

టాలీవుడ్‌ లో పూజా హెగ్డే ఒక్కసారిగా ఉవ్వెత్తున ఎగసి కింద పడ్డట్లుగా అయ్యింది. గత ఏడాది రాధేశ్యామ్‌ సినిమా ఫ్లాప్ తో పాటు మరికొన్ని షాక్ లు ఆమెకు తప్పలేదు. హీరోయిన్‌ గా పూజా హెగ్డే ప్రస్తుతం తెలుగు లో మహేష్‌ బాబుతో కలిసి ఒక సినిమాను చేస్తోంది. ఆ సినిమాకు త్రివిక్రమ్‌ దర్శకత్వం వహిస్తున్నాడు. ఆ సినిమా చిత్రీకరణ ప్రస్తుతం హైదరాబాద్‌ లో జరుగుతున్నట్లుగా సమాచారం అందుతోంది.

ఈ బుట్ట బొమ్మ గతంలో వారంలో ఏడు రోజులు వర్క్‌ చేస్తూ బిజీ బిజీగా ఉండేది. కానీ ఇప్పుడు పెద్దగా సినిమాలు లేకపోవడంతో అడపా దడపా షూటింగ్స్ కు హాజరు అవుతూ ఉంది అంటూ ఇండస్ట్రీలో గుసగుసలు వినిపిస్తున్నాయి. ఆమె కెరీర్ విషయంలో అభిమానులు కూడా అసంతృప్తిగా ఉన్నారు.

ఒకప్పటితో పోల్చితే ఈ అమ్మడు ఎక్కువ ఆఫర్లు దక్కించుకోవడంలో విఫలం అయ్యిందని అభిమానులు ఆవేదన వ్యక్తం చేస్తున్నారు. తాజాగా ఈ అమ్మడు హైదరాబాద్‌ లోని పెద్దమ్మ గుడి లో సందడి చేసింది. అమ్మవారిని దర్శించుకుని అక్కడి వేద పండితుల ఆశీర్వాదం పొందింది.

నటిగా ప్రస్తుతం తన కెరీర్‌ విషయంలో పూజా హెగ్డే కూడా ఆందోళనలో ఉన్నట్లుగా తెలుస్తోంది. అందుకే మళ్లీ తన కెరీర్ గాడిన పడాలంటూ కోరికలు కోరుకుని పూజా హెగ్డే అమ్మవారిని దర్శించుకున్నట్లు స్థానికులు కామెంట్స్ చేస్తున్నారు.

పూజా హెగ్డే పెద్దమ్మ గుడికి వచ్చిందని తెలిసి స్థానికంగా పెద్ద ఎత్తున జనాలు అక్కడ పోగయ్యారు. కొంత సమయం మాత్రమే ఉన్న పూజా హెగ్డే వెంటనే అక్కడ నుండి వెళ్లి పోయినట్టు సమాచారం అందుతోంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.