డిజె దెబ్బతో బిజీ అయ్యింది

ఒక సినిమా విజయం మరి కొన్ని సినిమా అవకాశాలు తెచ్చి పెడుతుంది అనేది విషయం అందరి తెలిసిందే. ముఖ్యంగా మన తెలుగు సినిమా హీరోయిన్ విషయంలో ఇది నూటికి నూరు శాతం వాస్తవం. ఒక్క కమర్షియల్ సినిమాలో గ్లామర్ తో పడేయగానే మరి కొన్ని సినిమాలు వచ్చి వాలుతుంటాయి. దువ్వాడ జగన్నాధం సినిమాలో తన వంపులతో అందరినీ అలరించిన పూజ హెగ్డే ఇప్పుడు తెలుగు సినిమాలతో బిజీ అయ్యింది. ఈ సినిమా క్రేజు ఇచ్చిన కిక్ తో పూజ ఇప్పుడు వరుసగా రెండు సినిమాలలో నటించే అవకాశం కొట్టేసింది.

ఇప్పుడైతే శ్రీవాస్ డైరక్షన్ లో బెల్లంకొండ సాయి శ్రీనివాస్ హీరో గా నటిస్తున్న ఒక సినిమాలో హీరోయిన్ గా చేస్తుంది. ఈ సినిమా షూటింగ్ కూడా ఇప్పుడు జరుగుతుంది. బహుశా వచ్చే ఏడాది మొదటి నెలలో విడుదల కావచ్చు. ఈ సినిమా కాకుండా మరో యంగ్ హీరోతో జతకట్టే అవకాశం ఉంది అని తెలుస్తుంది. నాగ చైతన్య హీరోగా నటించబోతున్న ఒక రొమాంటిక్ కామిడీ సినిమాలో పూజ హెగ్డే ను లీడ్ హీరోయిన్ గా తీసుకోబోతున్నారని టాక్. చందూ మొండేటి డైరెక్ట్ చేయబోతున్న ఈ సినిమాను మైత్రీ మేకర్స్ నిర్మించబోతున్నారు.

పూజ హెగ్డే తో ఇప్పుడు చర్చలు జరుపుతున్నారట మైత్రీ సంస్థ. ఆల్రెడీ చైతన్య గతంలో 'ఒక లైలా కోసం' సినిమాతో పూజను ఇటు తెచ్చాడు కాని.. నిజానికి ఆ సినిమా ఫ్లాప్ కావడంతో పూజను ఎవ్వరూ పట్టించుకోలేదు. పైగా ఆ సినిమాలో హోమ్లీ లుక్కులో అమ్మడు అంతగా అలరించలేదనే చెప్పాలి. ఇప్పుడు మాత్రం ఆమెను ఒక మోడ్రన్ సెక్సీ క్యారక్టర్ కోసం తీసుకుంటున్నారని తెలుస్తోంది. అది సంగతి.