మరో క్రేజీ ఆఫర్‌ కొట్టేసిన పూజా

టాలీవుడ్‌ లో ప్రస్తుతం మోస్ట్‌ వాంటెడ్‌ హీరోయిన్‌ పూజా హెగ్డే అనడంలో ఎలాంటి సందేహం లేదు. అల వైకుంఠపురంలో చిత్రంతో సూపర్‌ హిట్‌ ను ఈ అమ్మడు దక్కించుకుంది. మరో వైపు ప్రభాస్‌ కు జోడీగా జాన్‌ చిత్రంలోనూ నటిస్తున్న విషయం తెల్సిందే. ఇంకా పలువురు స్టార్‌ హీరోలతో కూడా ఈ అమ్మడు ఈ ఏడాదిలో నటించే అవకాశం ఉంది. ఒక వైపు టాలీవుడ్‌ లో వరుసగా పెద్ద స్టార్‌ హీరోలతో నటిస్తూనే మరో వైపు బాలీవుడ్‌ వైపు కూడా ఈ అమ్మడు చూస్తూనే ఉంది.

తాజాగా ఈ అమ్మడికి బాలీవుడ్‌ స్టార్‌ హీరో అక్షయ్‌ కుమార్‌ నటిస్తున్న బచ్చన్‌ పాండీ చిత్రంలో ఛాన్స్‌ దక్కింది. ఫర్హద్‌ షామ్జీ దర్శకత్వంలో రూపొందుతున్న ఈ చిత్రంలో హీరోయిన్‌ గా కృతి సనన్‌ నటిస్తుండగా సెకండ్‌ హీరోయిన్‌ పాత్రలో ఈ అమ్మడు నటించబోతున్నట్లుగా తెలుస్తోంది. అక్షయ్‌ కుమార్‌ ప్రస్తుతం చాలా సక్సెస్‌ ఫుల్‌ హీరోగా ఉన్నాడు. ఆయన సినిమాల్లో నటించడం అంటే సక్సెస్‌ ను దక్కించుకోవడమే.

అక్షయ్‌ కుమార్‌ మూవీ అనగానే సెకండ్‌ హీరోయిన్‌ పాత్ర అయినా కూడా పూజా హెగ్డే గ్రీన్‌ సిగ్నల్‌ ఇచ్చింది. ప్రస్తుతం సినిమాకు సంబంధించిన షూటింగ్‌ జరుగుతూనే ఉంది. త్వరలోనే ఈ అమ్మడు అక్షయ్‌ తో జత కట్టబోతుంది. పూజా హెగ్డే బాలీవుడ్‌ లో మొదటి నుండి కూడా రాణించేందుకు ప్రయత్నాలు చేస్తోంది. ఈ చిత్రంతో అయినా బాలీవుడ్‌ తో ఈ అమ్మడు జెండా పాతేనో చూడాలి.