డీజె బ్యూటీ అమెరికా ట్రిప్ లో బిజీగా ఉందే

అందాల భామ పూజా హెగ్డే ఇప్పుడు టాలీవుడ్లో ని టాప్ లీగ్ స్టార్ హీరోయిన్లలో ఒకరు. ఒకవైపు ప్రభాస్ సినిమాలో.. మరోవైపు అల్లు అర్జున్ సినిమాలో హీరోయిన్ గా నటిస్తూ బిజీబిజీగా ఉంది.. ఈ రెండు సినిమాలతో పాటుగా బాలీవుడ్ లో 'హౌస్ ఫుల్ 4' లో కూడా నటిస్తోంది. మరి ఇంత బిజీ షెడ్యూల్ లో పాపకు టైమెక్కడ దొరికిందో ఏంటో కానీ డోనాల్డ్ ట్రంప్ గారి రాజ్యానికి వెళ్ళి చక్కగా ఎంజాయ్ చేస్తోంది.

మూడు రోజుల క్రితం నేను వాషింగ్టన్ లో ఉన్నానంటూ పూజ కొన్ని ఫోటోలను పోస్ట్ చేసింది. అక్కడ ఉన్న నేషనల్ మాన్యుమెంట్ దగ్గర కొన్ని ఫోటోలు తీయించుకుంది. ఒక్క వాషింగ్టన్ తో తన ట్రిప్ ను పూర్తి చేయలేదు పూజ. ఆ తర్వాత ఫ్లైట్ ఎక్కి న్యూయార్క్ లో దిగింది. అక్కడ మాన్ హట్టన్ లోని ఆకాశ హర్మ్యాల ముందు నిలబడి ఫోటోలు తీయించుకుంది. ఈ ట్రిప్ ప్రస్తుతం ఇంకా కొనసాగుతోంది. ఓ నాలుగు గంటల క్రితం పూజ ఒక ఫోటో పోస్ట్ చేసింది. ఈ ఫోటోలో పూజ ఒక స్కేట్ బోర్డు పై నిలబడి పోజిచ్చింది. ఇలాంటి స్కేట్ బోర్డ్ చూడగానే మన తెలుగు ప్రేక్షకులకు ఎన్టీఆర్ 'ఫాలో ఫాలో' సాంగ్ గుర్తురాక మానదు.

చిత్రమైన విషయం ఏంటంటే ఈ ఫోటోలలో పూజ సింగిల్ గానే కనిపిస్తోంది. మరి తోడుగా ఎవరున్నారో ఏమో. కనీసం ఈ ఫోటోలు తీసేందుకయినా ఒక మనిషి కావాలి కదా? సహజంగా ఎవరైనా ఇలా ఫోటోలు పోస్ట్ చేసిన సమయంలో P.C(పిక్ కర్టసీ) అంటూ ఆ ఫోటోగ్రాఫర్ పేరును వెల్లడిస్తారు. ఈ పూజ మాత్రం అసలు చెప్పడంలేదు.. కొంపదీసి ఏదైనా సీక్రెట్ ఉందా ఏంటి?