త్రివిక్రమ్ గ్యాంగ్ తో పనైపోయింది

టాలీవుడ్ లో ప్రస్తుతం హీరోయిన్స్ స్థానాల్లో మార్పులు చాలానే వస్తున్నాయి. మొన్నటి వరకు స్టార్ హీరోలతో నటించిన నటీమణులు ఇక ఫస్ట్ ప్లేస్ నుంచి డ్రాప్ అవుతున్నారు. వారందరికీ పోటీ ఇస్తున్న కొంత మంది బ్యూటీలు అవకాశాలను గట్టిగా అందుకుంటున్నారు. అందులో ముఖ్యంగా చెప్పుకోవాల్సింది పూజ హెగ్డే గురించి.; దువ్వాడ జగన్నాథమ్ సినిమాలో అలా కనిపించిందో లేదో అమ్మడు నాన్ స్టాప్ గా ఛాన్సులను కొట్టేసింది.

ప్రస్తుతం తారక్ - త్రివిక్రమ్ కాంబినేషన్ లో వస్తున్న అరవింద సమేత సినిమాలో నటిస్తున్న సంగతి తెలిసిందే. అయితే ఇప్పుడు ఆ సినిమా మొదటి షెడ్యూల్ కూడా అయిపొయింది. త్రివిక్రమ్ ఆమెకు సంబందించిన సీన్స్ ను మొత్తం ఫాస్ట్ ఫాస్ట్ గా పూర్తి చేశాడు. ఎందుకంటే అమ్మడు చాలా బిజీ. మరికొన్ని రోజుల్లో మహేష్ 25వ చిత్రం కూడా స్టార్ట్ కానుంది. వంశీ పైడిపల్లి దర్శకత్వంలో ఆ సినిమా తెరకెక్కనుంది.

డెహ్రాడూన్ లో మొదటి షెడ్యూల్ ని స్టార్ట్ చేస్తారు. అలాగే పూజ బెల్లకొండ అబ్బాయ్ సాక్ష్యం సినిమా షూటింగ్ ను కూడా పూర్తి చేయాల్సి ఉంది. మొత్తానికి హైదరాబాద్ లో త్రివిక్రమ్ గ్యాంగ్ తో ఒక షెడ్యూల్ పూర్తి చేసుకొని విదేశాలకు ఎగిరిపోనుంది. అమ్మడు నెక్స్ట్ ప్రభాస్ చేయబోయే ఒక లవ్ స్టోరీలో కూడా హీరోయిన్ గా సెలెక్ట్ అయిన సంగతి తెలిసిందే. జిల్ దర్శకుడు రాధాకృష్ణ ఆ సినిమాకు దర్శకత్వం వహిస్తాడు.