ప్రభాస్ తో డీజే బ్యూటీ పక్కా

ఐరెన్ లెగ్ అనిపించుకున్న చోటే అవకాశాలు అందుకోవలంటే హీరోయిన్స్ కు కష్టమే. కానీ పూజా హెగ్డే మాత్రం వరుస అవకాశాలను అందుకుంటోంది.

అవి కూడా చిన్న ఛాన్సులు కావు. ఏకంగా బాక్స్ ఆఫీస్ హీరోలనే ఆకర్షిస్తోంది ఈ బ్యూటీ. పూజ తెలుగులో గత ఏడాది దువ్వడా జగన్నాథమ్ సినిమాలో చాలా సెక్సీగా కనిపించింది. ట్రెడిషనల్ లుక్ అలాగే బికినీ లుక్ ని టచ్ చేయడంతో యూత్ లో మంచి క్రేజ్ ఏర్పడింది.

దీంతో పెద్ద ప్రొడక్షన్ నుంచి అవకాశాలు వస్తున్నాయి. ఇప్పటికే ఎన్టీఆర్ - మహేష్ బాబు సినిమాల్లో ఆవకాశం అందుకున్న పూజ త్వరలో బాహుబలి స్టార్ తో జత కట్టనుందట. ప్రస్తుతం ప్రభాస్ సాహో సినిమాతో బిజీగా ఉన్న సంగతి తెలిసిందే. ఆ సినిమా తరువాత జిల్ దర్శకుడు రాధాకృష్ణతో ఒక రొమాంటిక్ ఎంటర్టైన్ సినిమా చేయడానికి గ్రీన్ సిగ్నల్ ఇచ్చాడు. సినిమా స్టార్ట్ కావడానికి సమయం చాలానే ఉన్నా దర్శకుడు హీరోయిన్ ని ఫైనల్ చేసినట్లు తెలుస్తోంది. పూజ హెగ్డే అయితే బెటర్ అని ఆమెను ఫిక్స్ చేసినట్లు టాక్.

దీనిపై స్పందించిన పూజా.. ఒక నేషనల్ మీడియాకు ఇంటర్యూ ఇస్తూ.. అవును..ప్రభాస్ తో చేస్తున్నా అంటూ చెప్పేసింది. ఇక సినిమా మొదలు పెడితే నాలుగు నెలలలోపే పూర్తవ్వాలని ప్లాన్ చేసుకుంటున్నారని టాక్. అందుకే పూజ కూడా బల్క్ డేట్స్ ఇచ్చేసిందట.