ప‌వ‌ర్ స్టార్ నే కాపీ కొట్టిన బుట్ట‌బొమ్మ వామ్మోవ్!

బంధుమిత్రుల‌కు స‌హ‌చ‌రుల‌కు మామిడి పండ్ల బుట్ట‌లు పంపే అల‌వాటు ఏ హీరోకి ఉంది? అంటే.. ప‌వ‌ర్ స్టార్ ప‌వ‌న్ క‌ల్యాణ్ పేరు ఠ‌కీమ‌ని చెప్పేస్తారు. ఆ అల‌వాటు ఇప్పుడు క‌థానాయిక‌ల‌కు పాకింది.

తాజాగా పూజాహెగ్డే ఓ మామిడి పండ్ల బుట్ట‌ను ద‌ర్శ‌కుడు హ‌రీష్ శంక‌ర్ కి పంపించి బిగ్ స‌ర్ ప్రైజ్ ఇచ్చింది. అల‌.. ద‌ర్శ‌కుడు మాట‌ల మాంత్రికుడు త్రివిక్ర‌మ్ కి ఒక బుట్ట బాగా మ‌గ్గిన మామిడి పండ్లు అందాయిట‌. పూజా తన స్వస్థలమైన మంగుళూరు నుంచి తెప్పించిన రుచికరమైన మామిడిపండ్లను చిత్ర పరిశ్రమ ప్రముఖులకు పంపుతోంది. ఇప్పటికే ఈ మామిడి పండ్లను త్రివిక్రమ్ శ్రీనివాస్- హరీష్ శంకర్ మరికొంత మంది ప్రముఖులకు పంపినట్లు తెలిసింది.

తాజాగా హరీష్ శంకర్ ఈ విషయాన్ని సోషల్ మీడియాలో పోస్ట్ చేశారు. ``ఈ స్వీట్ గెస్చర్ కు ధన్యవాదాలు`` అంటూ పూజాహెగ్డే పంపిన మామిడిపండ్లతో పాటు మెసేజ్ ను కూడా షేర్ చేసారు. అందులో పూజ హలో సర్! నా స్నేహితుడి పొలంలో పండించిన ఈ రుచికరమైన సేంద్రీయ మామిడి పండ్లను స్వీక‌రించి ఆస్వాధిస్తార‌ని ఆశిస్తున్నాను. అంతా బాగానే ఉందని ఆశిస్తున్నాను. త్వరలో కలుద్దాం!! లవ్ .. పూజా హెగ్డే`` అంటూ రాసుకొచ్చింది.

హ‌రీష్ తెర‌కెక్కించిన గ‌ద్ద‌ల‌కొండ గ‌ణేష్ చిత్రంలో పూజా న‌టించింది. హరీష్ శంకర్ త్వరలో పవన్ కళ్యాణ్ ను దర్శకత్వం వహించనున్నారు. మరోవైపు పూజా త్వరలో రాధేశ్యామ్- మోస్ట్ ఎలిజిబుల్ బ్యాచిలర్‌ చిత్రాలతో ప్రేక్షకులను అలరించడానికి సిద్ధంగా ఉంది. ఆచార్యలో చ‌ర‌ణ్ స‌ర‌స‌న క‌నిపించ‌నుంది.