త్రివిక్రమ్ ఇగో లెక్క ఏమిటో చెప్పేసింది!

మాటల మాంత్రికుడు త్రివిక్రమ్ శ్రీవివాస్ గురించి ఆసక్తికర విషయాల్ని వెల్లడించింది అందాల బొమ్మ పూజా హెగ్డే. బాలీవుడ్.. కోలీవుడ్.. టాలీవుడ్.. ఇలా వరుస పెట్టి చిత్రాల్లో నటించటమే కాదు.. ప్రేక్షకుల మనసుల్ని దోచేస్తున్న భామగా ఆమెను చెప్పాలి. ఏడేళ్ల క్రితం సినిమా ఇండస్ట్రీలోకి ఎంటరైన ఆమె.. ఇప్పటికే పలు హిట్ చిత్రాల్లో నటించింది. తాజాగా ఆమె నటించిన అల వైకుంఠపురములో చిత్రం భారీ సక్సెస్ ను సొంతం చేసుకోవటాన్ని ఎంజాయ్ చేస్తోంది.

తాజాగా అల వైకుంఠపురము చిత్రం గురించి మాట్లాడిన ఆమె.. దర్శకుడు త్రివిక్రమ్ గురించి ఆసక్తికర అంశాల్ని చెప్పుకొచ్చింది. అల సినిమాను ఒప్పుకోవటం వెనుక ముఖ్యమైన కారణాల్లో ఒకటి.. త్రివిక్రమ్ తో మరోసారి పని చేయొచ్చన్న ఉద్దేశంతోనేనని చెప్పింది. తాను ఇప్పటివరకూ ఎంతోమంది దర్శకులతో చేసినా.. త్రివిక్రమ్ అంత కూల్ గా ఉండే దర్శకుడ్ని చూడలేదని చెప్పింది.

అంతేకాదు.. త్రివిక్రమ్ లో ఇగో అన్నది మచ్చుకు కూడా కనిపించదన్న ఆసక్తికర వ్యాఖ్య చేసింది. సర్.. సెట్లో అగ్ని ప్రమాదం జరిగిందని ఎవరైనా వచ్చి చెబితే.. హో.. ఫైర్ యాక్సిడెంట్ జరిగిందా? ఫర్లేదు.. ముందు ఈ పని పూర్తి చేయండని అంటారే కానీ.. హడావుడి అన్నది అస్సలు పడరని చెప్పారు. తాను పని చేసిన దర్శకుల్లో ఇంత ప్రశాంతంగా ఉండే దర్శకుడు త్రివిక్రమ్ మాత్రమేనని చెప్పారు.

ఓపికగా ఎలా ఉండాలన్న విషయాన్ని త్రివిక్రమ్ ను చూసి తాను నేర్చుకున్నానని చెప్పిన పూజా.. చేయాల్సిన సీన్ ను పూర్తిగా వివరిస్తారన్నారు. సామజవరగమన పాట లిరిక్స్ మొత్తం తనకు వివరించారని.. నిజానికి హీరోయిన్ కు పాట మొత్తాన్ని వివరించాల్సిన పని లేదని.. కానీ చెప్పారన్నారు. ఈ రోజు తాను ఆ పాట గురించి ఇంకెవరికైనా చెప్పగలనని చెప్పారు. ప్రతి ఒక్కరు చెప్పేది త్రివిక్రమ్ వింటారని.. ఫైనల్ గా మాత్రం తనకు నచ్చినట్లుగా నిర్ణయాన్ని తీసుకుంటారన్నారు. అస్సలు ఇగో అన్నది లేకుండా ఉండటం త్రివిక్రమ్ కు మాత్రమే సాధ్యమని విపరీతంగా పొగిడేసింది పూజా.ఒక దర్శకుడి గురించి ఇంత లోతైన విశ్లేషణ పూజా చేయటం విశేషం.