అంత భయపడితే ఎలా పూజా

ఎన్టీఆర్-త్రివిక్రమ్ మ్యాజిక్ కాంబో కోసం ప్రేక్షకులు ఎంతగా ఎదురు చూస్తున్నారో అంత కన్నా ఎక్కువ హీరోయిన్ పూజా హెగ్డే వెయిట్ చేస్తోంది. తనను కన్ఫర్మ్ చేసినప్పటి నుంచి కాళ్ళు భూమి మీద నిలవడం లేదు. మరోపక్క మహేష్ బాబు సినిమా కూడా ఒకే కావడం ఆనందాన్ని రెట్టింపు చేస్తోంది. కానీ ఒక్క విషయంలో పూజకు బాగా భయంగా ఉందట. సింగల్ టేక్ ఆర్టిస్ట్ అయిన తారక్ పక్కన నటించాలంటే బాగా టెన్షన్ గా ఉందని చెబుతోంది. అల్లు అర్జున్ తో డీజేలో ధీటుగా ఆడి పాడిన పూజకు తారక్ తో అంటే సవాలే. పైగా యంగ్ టైగర్ బాగా సన్నబడి కొత్త ఎనర్జీతో ఉత్సాహంగా ఉన్నాడు. ఇక డ్యాన్సుల్లో దుమ్ము లేపడం ఏ స్థాయిలో ఉంటుందో ఊహించుకోవడం కూడా కష్టమే.

సుమారు 15 కిలోల దాకా తారక్ బరువు తగ్గి త్రివిక్రమ్ సినిమా కోసం ప్రిపేర్ అవుతున్నానే వార్త అభిమానుల్లో ఇప్పటికే హాట్ టాపిక్ గా ఉంది. పైగా ఆ లుక్ లీక్ అయిన ఫోటోలు - వీడియో రూపంలో బయటికి రావడంతో సినిమాలో ఎంత రచ్చ ఉంటుందో అని అంచనాల్లో మునిగితేలుతున్నారు. త్రివిక్రమ్ సినిమాల్లో హీరోయిన్లకు కూడా మంచి ఎమోషనల్ సీన్స్ ఉంటాయి. అందుకే పూజా ఆందోళన చెందుతోంది కాబోలు. సాక్ష్యం ఫినిషింగ్ స్టేజ్ లో ఉన్న పూజా అది పూర్తయిన వెంటనే ఈ షూట్ లో పాల్గొనబోతోంది. ఇప్పటిదాకా టాలీవుడ్ లో గట్టి బ్లాక్ బస్టర్ లేని పూజా ఈ సంవత్సరం అది పూర్తిగా నెరవేరుతుంది అనే ధీమాలో ఉంది. రంగస్థలంలో ఐటమ్ సాంగ్ ఓ రేంజ్ లో ఉందనే టాక్ ఇప్పటికే జోరుగా ఉంది. అల్లు అర్జున్ - రామ్ చరణ్ - బెల్లంకొండ సాయి శ్రీనివాస్ - జూనియర్ ఎన్టీఆర్ ఇలా ఇండస్ట్రీలో మంచి డాన్సర్స్ తో వరసగా జోడి కట్టేస్తున్న పూజా హెడ్గే ఈ సంవత్సరం గట్టి హిట్ కొట్టాడంలో డౌట్ అక్కర్లేదు.