పూజ పండగ ప్రారంభమైనట్లే!!

టాలీవుడ్ కి పూజా హెగ్డే కొత్తేమీ కాదు.. గతంలో ముకుంద.. ఒక లైలా కోసం చిత్రాల్లో కనిపించినా ఆమెలోని గ్లామర్ యాంగిల్ ఏంటో జనాలకు తెలియలేదు. ఆఖరికి బాలీవుడ్ స్టార్ హీరో హృతిక్ రోషన్ కూడా పూజా హెగ్డే ఫేట్ మార్చలేకపోయాడు. కానీ అల్లు అర్జున్ మూవీ దువ్వాడ జగన్నాధంలో పూజా హెగ్డేను చూసిన కుర్రకారు మత్తెక్కి ఊగిపోతున్నారు.

అటు అందంగా ఉండడమే కాదు.. ఆ అందాన్ని మరింత అందంగా ప్రెజెంట్ చేయడంలో పూజా హెగ్డే ఎంత దిట్ట అనే విషయం ఇప్పుడు జనాలతో పాటు మూవీ మేకర్స్ కు కూడా బాగానే అర్ధమైపోయింది. అదరగొట్టే అందంతోపాటు బోలెడంత నటనా నైపుణ్యం.. నాట్య ప్రతిభ కూడా ఉండడంతో.. పూజా హెగ్డేకు ఇప్పుడు ఆఫర్లు క్యూ కట్టేస్తున్నాయి. పలువురు స్టార్ హీరోలు తమ తర్వాతి సినిమాల కోసం పూజా హెగ్డేను పరిశీలిస్తున్నారనే టాక్ ఉంది. అంతే కాదు.. ఇప్పుడీమె చేతికి ఓ కొత్త ఆఫర్ కూడా అందేసింది. శ్రీవాస్ దర్శకత్వంలో బెల్లంకొండ శ్రీనివాస్ హీరోగా రూపొందుతున్న మూవీలో పూజా హెగ్డేను హీరోయిన్ గా ఫైనల్ చేసేశారట.

ఇప్పటికే హైద్రాబాద్ పరిసరాల్లో తొలి షెడ్యూల్ ను బెల్లంకొండ శ్రీనివాస్-జగపతి బాబుల మధ్య పూర్తి చేసిన యూనిట్.. త్వరలో రెండో షెడ్యూల్ షూటింగ్ ప్రారంభించనుండగా.. ఈ షెడ్యూల్ నుంచి పూజా హెగ్డే కూడా పాల్గొననుండడం విశేషం. ఈమెను హీరోయిన్ గా ఒప్పించేదుకు భారీ మొత్తాన్నే ముట్టెచెప్పారని టాక్.

Like Us on Facebook : https://www.facebook.com/Tupakidotcom/