అఫీషియల్: పూజతోనే దువ్వాడ రొమాన్స్

ఇంతకీ ''దువ్వాడ జగన్నాథమ్‌'' అల్లు అర్జున్ రొమాన్స్ చేయబోతున్న ఆ హీరోయిన్ ఎవరు? ఇప్పటికే ఈ విషయం గురించి చాలాసార్లు చర్చించాం. నిజానికి ఈ సినిమాకు ముందులో మంగుళూరు మోడల్.. మిస్ ఇండియా బికినీ కాంటెస్ట్ విన్నర్ పూజా హెగ్డే ను తీసుకుంటే బాగుంటుందని అనుకున్నారు. కాని అమ్మడు అప్పట్లో మొహంజొదారో ఊపులో ఉండి ఈ సినిమాకు సైన్ చేయలేదు. దానితో ఈ సినిమా కోసం మరో హీరోయిన్ను వెతకాల్సిన పని పడింది.

అప్పట్లో కృష్ణగాడి వీర ప్రేమగాధ ఫేం మెహరీన్ కు ఒక ఛాన్సిస్తున్నాడని.. కాని నిర్మాత దిల్ రాజు మాత్రం కాజల్ అగర్వాల్ ను తీసుకుందామని అనుకుంటున్నాడని టాక్ వచ్చింది. ఏదేమైనా కూడా నాకు పూజా హెగ్డేనే కావాలి అంటూ దర్శకుడు హరీశ్‌ శంకర్‌ పట్టుపట్టేసినట్లు కూడా రూమర్లు వినిపించాయి. ఏది ఎలా జరిగినా కూడా ఈరోజు ఉదయం హైదరాబాద్ వచ్చి మరి హీరోయిన్ పూజా హెగ్డే ఈ సినిమాలో మెయిన్ లీడ్ గా నటించడానికి సైన్ చేసిందని తెలుస్తోంది. సో.. దువ్వాడ వారి రొమాన్స్ పూజతోనే అని ఫిక్సయిపోవచ్చు మనం.

అయితే ఈ సినిమాలో అల్లు అర్జున్ అచ్చం అదుర్స్‌ సినిమాలో చారి తరహా పాత్రను పోలి ఉండే పాత్రను పోషిస్తున్నాడని ఒక టాక్ ఉంది కాని.. దర్శకుడు హరీశ్‌ శంకర్‌ మాత్రం క్యారక్టర్ గురించి కాస్త కూడా ఇన్ఫర్మేషన్ లీకవ్వకుండా జాగ్రత్తపడుతున్నాడు.