మాస్కులు కంపల్సరీ అంటున్న స్టార్ హీరోయిన్

ప్రస్తుతం దేశవ్యాప్తంగా లాక్‌డౌన్‌ పకడ్బందీగా అమలవుతోంది. ఈ నేపథ్యంలో ప్రజలంతా ఇళ్లకే పరిమితమయ్యారు. లాక్‌డౌన్‌తో సామాన్యులు ఇబ్బందులు పడుతుంటే సెలబ్రిటీలు మాత్రం ఈ కాలాన్ని తమకు నచ్చినట్టుగా ఉపయోగించుకోవడం విశేషం. ఇంట్లో చేసే కొన్ని పనులను సోషల్‌ మీడియా రూపంలో అభిమానులతో పంచుకుంటూ వారిలో జోష్ నింపుతున్నారు. మీరూ ఇంట్లోనే ఉండండి. కరోనా నుంచి బయటపడేందుకు ఇదే మంచి మార్గం అంటున్నారు. ఈ నేపథ్యంలో కరోనా రాకుండా ఎలాంటి జాగ్రత్తలు తీసుకోవాలో సూచిస్తోంది బుట్టబొమ్మ పూజా హెగ్డే. ఈ సందర్భంగా పూజ మాట్లాడుతూ.. చేతులు శుభ్రంగా కడుక్కోవాలని, బయటకు వెళ్లకుండా జాగ్రత్త పడాలనీ సూచిస్తోంది. ఒకవేళా అత్యవసరంగా బయటకు వెళితే మాస్కులు ధరించాలని చెబుతోంది.

ఇంకా అసలు ఈ వైరస్ భారిన పడకుండా ఉండాలంటే ఇంటి నుండి బయటకు పోకుండా ఉండాలని చెబుతోంది పూజా. ఇక ఈ భామ సినిమాల విషయానికి వస్తే.. ఇటీవలే అల్లు అర్జున్ సరసన 'అల వైకంఠపురంలో' సినిమాలో నటించి బ్లాక్ బస్టర్ హిట్ తన ఖాతాలో వేసుకుంది. ఇక ఈ బ్యూటీ ప్రస్తుతం డార్లింగ్ ప్రభాస్ సరసన రాధాకృష్ణ డైరెక్షన్ లో పాన్ ఇండియా మూవీ చేస్తోంది. ఈ సినిమా దాదాపు షూటింగ్ పూర్తిచేసుకుందట. దాంతో అఖిల్ హీరోగా రూపొందుతున్న 'మోస్ట్ ఎలిజబుల్ బ్యాచిలర్' సినిమాలోను నటిస్తోంది. ఈ సినిమాకు బొమ్మరిల్లు భాస్కర్ దర్శకత్వం వహిస్తున్నాడు. వీటికి తోడు హిందీలో సల్మాన్‌తో పాటు మరో సూపర్ స్టార్ అక్షయ్ కుమార్ సినిమాలో కూడా పూజా నటించనుంది.