ప్ర‌భాస్ తో గొడ‌వ‌ల్లేవ‌ట‌!..నిజ‌మేనా పూజా?

రాధేశ్యామ్ కొద్ది రోజుల్లో విడుద‌ల‌వుతోంది. అంత‌కుముందే ఏపీలో అనూహ్యంగా టికెట్ ధ‌ర‌లు పెర‌గ‌నున్నాయి. దీనికి సంబంధించిన జీవోపై సీఎం జ‌గ‌న్ సంత‌కం చేశారు. అదంతా అటుంచితే.. రాధే శ్యామ్ ప్ర‌మోష‌న్స్ లో బిజీబిజీగా ఉన్న‌ పూజా హెగ్డే నుంచి ఒక కొత్త అప్ డేట్ వ‌చ్చింది.

నిజానికి ప్రభాస్ తో పూజాకి పొస‌గ‌డం లేదని క‌ల‌త‌లు ఉన్నాయ‌ని ఆ ఇద్ద‌రూ మాట్లాడుకోవ‌డం మానేశార‌ని చాలా చాలా పుకార్లు ఇంత‌కుముందు షికార్ చేశాయి. పూజాతో ఏదీ సరిగ్గా లేదని అనేక క‌థ‌నాలు వెలువ‌డినా కానీ దానిపై ఆ ఇద్ద‌రూ ఏనాడూ బ‌య‌ట‌ప‌డ‌లేదు.

మొన్న‌టికి మొన్న ప్ర‌చార కార్య‌క్ర‌మంలో ప్ర‌భాస్ తో పూజా క‌నిపించింది. ఇద్ద‌రూ క‌లిసి సంద‌డి చేయ‌డంతో ఇన్నాళ్టికి క‌లిసిపోయార‌ని అనుకున్నాం. ఇదే విషయమై తాజాగా పూజను అడిగినప్పుడు ధీటుగా స్పందించింది.

``ప్రభాస్ చాలా స్వీట్ పర్సన్. నిజానికి అతను నాకు మా అమ్మకు కూడా ఇంట్లో తయారుచేసిన ఆహారాన్ని పంపాడు. ఆయనతో కలిసి పనిచేయడం ఆనందకరమైన అనుభవం. అలా కాకుండా సాగించే ఏ ప్ర‌చారం అయినా కానీ నిరాధారమైనది`` అని అన్నారు. పూజ ఈ వ్యాఖ్య‌తో ఒక్క‌సారిగా ఊహాగానాల‌కు తెర‌ప‌ట్టింది. రాధే శ్యామ్ ఈ నెల 11న థియేటర్లలో విడుదల కానుంది. ఇందులో పూజా హెగ్డే ప్రేర‌ణ గా క‌నిపించ‌నుంది.

పూజా హెగ్డే కెరీర్ మ్యాట‌ర్ కి వ‌స్తే.. ఇటీవ‌ల త‌న‌వైపు వ‌చ్చిన వాటిలో చాలా వాటికి సంత‌కాలు చేయ‌డం లేద‌ట‌. దీనిని బ‌ట్టి ఏదైనా షాకింగ్ న్యూస్ చెప్ప‌బోతోందా? అన్న సందేహాలున్నాయి. పూజా త‌దుప‌రి ప్ర‌ముఖ తెలుగు హీరో ద‌ర్శ‌కుడితో ప‌నిచేయ‌నుంది కానీ ఇంకా అధికారికంగా ప్ర‌క‌ట‌న‌లేవీ లేవు.

మునుముందు బాలీవుడ్ లో బిజీ అవ్వాల‌న్న ప్ర‌య‌త్నంలో కూడా ఉంది. అక్క‌డ స‌ల్మాన్ భాయ్ స‌ర‌స‌న ఓ చిత్రంలో న‌టించ‌నుంది. ఇటీవ‌లే ద‌బాంగ్ టూర్ వెళ్లొచ్చాక పూజాలో చాలా మార్పులు కొట్టొచ్చిన‌ట్టే క‌నిపిస్తున్నాయ‌న్న గుస‌గుస వినిపిస్తోంది.