తెలుగు అమ్మాయి అంటే పొంగి పోతుందట

తెలుగు లో టాప్‌ హీరోయిన్స్‌ జాబితా తీస్తే మొదటి వరుసలో ఉండే పేరు పూజా హెగ్డే అనడంలో సందేహం లేదు. ప్రస్తుతం స్టార్ హీరోలకు మోస్ట్‌ వాంటెడ్‌ అయిన ఈమె బాలీవుడ్‌ మరియు కోలీవుడ్‌ నుండి కూడా ఆఫర్లు దక్కించుకుంటుంది. అక్కడ కూడా స్టార్‌ హీరోయిన్ గా పేరు దక్కించుకోవాలనే ప్రయత్నాలు చేస్తోంది. కాని తెలుగు లో మాత్రమే ఎక్కువ శాతం సినిమాలు చేయాలని.. టాలీవుడ్‌ హీరోయిన్ గా మంచి పేరు దక్కించుకోవాలని కోరుకుంటాను అంటూ పూజా హెగ్డే చెప్పుకొచ్చింది. నేను ఏ సినిమాలు చేసినా కూడా అవి తెలుగు లో మంచి విజయాన్ని సొంతం చేసుకోవడం ఆనందంగా ఉందని ఇటీవల ఒక ఇంటర్వ్యూలో చెప్పుకొచ్చింది. వరుసగా అయిదు సక్సెస్ లు దక్కించుకున్న ఈమె ఆరవ సక్సెస్ ను రాధే శ్యామ్ తో దక్కించుకుని డబుల్‌ హ్యాట్రిక్‌ ను నమోదు చేయాలని ఆశ పడుతోంది.

తాజాగా పూజా హెగ్డే నటించిన మోస్ట్ ఎలిజబుల్‌ బ్యాచిలర్ సినిమా విడుదల అయ్యింది. ఆ సినిమాలో పూజా నటనకు మంచి మార్కులు పడ్డాయి. సినిమాకు ఒక మూల స్థంభం అన్నట్లుగా ఆమె నిలిచిందని.. విజయం లో కీలక పాత్ర ఆమె పాత్ర అంటూ రివ్యూవర్స్ కామెంట్స్‌ చేస్తున్నారు. ఈ నేపథ్యంలో పూజా హెగ్డే ఆ సినిమా ప్రమోషన్ లో భాగంగా వరుసగా ఇంటర్వ్యూలు ఇస్తూనే ఉంది. ఇప్పటికే మీడియాతో పలు విషయాలను చర్చించిన పూజా హెగ్డే తాజాగా ఒక ఆసక్తికర విషయాన్ని చెప్పుకొచ్చింది. ముంబయిలో తనను తెలుగు అమ్మాయి అంటూ పిలుస్తున్నారని చెప్పుకొచ్చింది.

ముంబయి లో ఇండస్ట్రీలో చాలా మంది నాకు సన్నిహితులు ఉన్నారు. వారు మాత్రమే కాకుండా ఇంకా చాలా మంది నన్ను తెలుగు అమ్మాయి అనుకోవడం సంతోషంగా ఉంటుంది. నన్ను తెలుగు అమ్మాయి అనుకోవడం అంటే నేను తెలుగు సినిమాల్లో సక్సెస్‌ అయినట్లుగా భావిస్తున్నాను అంది. ఇతర భాషల్లో ఎన్ని సినిమాలు చేసినా కూడా నేను మాత్రం తెలుగు భాష సినిమాల పట్ల పూర్తి సంతృప్తితో ఉన్నాను. టాలీవుడ్‌ లో మరిన్ని సినిమాలు చేయాలనేది నా కోరిక అంటూ చెప్పుకొచ్చింది. ముంబయిలో నన్ను తెలుగు అమ్మాయి అన్నప్పుడు నాకు చాలా సంతోషంగా అనిపిస్తుందని పొంగి పోయి మరీ చెబుతున్న పూజా హెగ్డేకు తెలుగు ఫుడ్‌ అంటేనే చాలా ఇష్టం అంటూ గత ఇంటర్వ్యూలో చెప్పుకొచ్చింది. మొత్తానికి టాలీవుడ్‌ పై పూజాకు చాలా ప్రేమ ఉందని ఆమె మాటల ద్వారా అర్థం అవుతోంది.