హిందీకి పూర్తిగా షిఫ్ట‌యినట్టేనా పూజా..?

బాలీవుడ్ ‌స‌హా సౌత్ లోనూ ఫుల్ బిజీ హీరోయిన్ గా క్ష‌ణం తీరిక లేని షెడ్యూళ్ల‌తో ఉండే నాయిక‌గా ముంబై బ్యూటీ పూజా హెగ్డే పేరు మార్మోగుతోంది. ఇటీవ‌ల ఇరు ప‌రిశ్ర‌మ‌ల్లోనూ బ్యాక్ టు బ్యాక్ సినిమాల‌తో బిజీ గా ఉంది. రాధేశ్యామ్ చిత్రీక‌ర‌ణ పూర్తి చేస్తూనే .. మోస్ట్ ఎలిజిబుల్ బ్యాచిల‌ర్ చిత్రీక‌ర‌ణలో పాల్గొంది.

ఇటీవ‌ల స‌డెన్ గా ముంబైలోనే ఎక్కువ క‌నిపిస్తోంది. అక్క‌డ‌ బాలీవుడ్ సినిమాల్లో న‌టించేందుకు క‌మిటైపోయింది. ``బ్లేడ్ రన్నర్ # ప్రిపరేషన్ ..` అంటూ ఇంత‌కుముందు హింట్ కూడా ఇచ్చింది. ఆ ఫోటోలు కూడా జోరుగా వైర‌ల్ అయిపోయాయి.

తెలుగులో ఆచార్య మూవీలో చ‌ర‌ణ్ స‌ర‌స‌న‌ గెస్ట్ రోల్ లో న‌టిస్తోంది. అఖిల్ తో `మోస్ట్ ఎలిజిబుల్ బ్యాచ్ ల‌ర్` పెండింగ్ చిత్రీక‌ర‌ణ‌లో పాల్గొనాల్సి ఉంటుంది. త్రివిక్ర‌మ్ - ఎన్టీఆర్ సినిమాలోనూ పూజా నాయిక. ఇవి గాక‌.. మ‌రో సినిమా దేనికీ ఈ బ్యూటీ సంత‌కం చేయ‌లేదు.

మ‌రోవైపు బాలీవుడ్ లో మాత్రం పూజా ఫుల్ స్వింగ్ లో ఉంది. దాదాపు నాలుగు క్రేజీ ‌హిందీ సినిమాలు పూజా చేతిలో ఉన్నాయి. ఆస‌క్తిక‌రంగా ఇవ‌న్నీ య‌శ్ రాజ్ ఫిల్మ్స్ లో తెర‌కెక్కుతున్న‌వే. వీటి కోసం తెలుగు సినిమాల‌కు బ్రేక్ ఇచ్చి పూర్తిగా హిందీకే షిఫ్ట్ అయిన‌ట్టు క‌నిపిస్తోంది.