పూజా బ్లేడ్ ర‌న్న‌ర్.. ఎరుపెక్కిన వెద‌ర్ దేనికి సంకేతం?

టాలీవుడ్ లో క్ష‌ణం తీరిక లేని హీరోయిన్ గా స్టార్ డ‌మ్ ని ఆస్వాధిస్తోంది పూజా హెగ్డే. బాలీవుడ్ ‌లోనే కాకుండా సౌత్ ఫిల్మ్ ఇండస్ట్రీలో కూడా తనకంటూ ఒక సముచిత స్థానాన్ని ఏర్పరచుకుంది. ఇటీవ‌ల ఇరు ప‌రిశ్ర‌మ‌ల్లోనూ బ్యాక్ టు బ్యాక్ సినిమాల‌తో బిజీ గా ఉంది. రాధేశ్యామ్ చిత్రీక‌ర‌ణ పూర్తి కాగా .. మోస్ట్ ఎలిజిబుల్ బ్యాచిల‌ర్ చిత్రీక‌ర‌ణ సాగుతోంది.

ఈ బిజీ అలా ఉంచితే.. పూజా తరచుగా సోషల్ మీడియాలో చురుకుగా ఉంటోంది. ఆమె రోజువారీ జీవితంలో ఏమి జరుగుతుందో అభిమానుల‌కు ఇన్ స్టా వేదిక‌గా చేర‌వేస్తూనే ఉంది. త‌దుప‌రి సినిమాల అప్ డేట్లు కూడా పూజా ఈ వేదిక‌పై చెబుతోంది.

తాజాగా పూజా ఇచ్చిన అప్ డేట్ అభిమానుల్ని క‌ల‌వ‌ర‌పెడుతోంది. ఇంత‌కీ ఏమా అప్ డేట్ అంటే.. ''బ్లేడ్ రన్నర్ # ప్రిపరేషన్ అనిపిస్తుంది'' అంటూ వ్యాఖ్యానం జోడించింది ఇన్ స్టాలో. చూస్తుంటే ఫోటోలో అంతా సింధూర వ‌ర్ణం క‌నిపిస్తోంది. ఎరుపెక్కిన వాతావ‌ర‌ణానికి సింబాలిక్ గా త‌న క‌ళ్లు కూడా ఎర్ర‌బ‌డి క‌నిపిస్తున్నాయి.

దీనర్థం ఇక కెరీర్ ప‌రంగా నాన్ స్టాప్ షెడ్యూళ్ల‌తో బిజీ బిజీ అని చెబుతున్న‌ట్టే. కెరీర్ మ్యాట‌ర్ కి వ‌స్తే...రాధేశ్యామ్ చిత్రం జూలై 30న పెద్ద తెరపైకి రానుంది. అటుపై సిర్కస్ బాలీవుడ్ లో రిలీజ్ కి రావాల్సి ఉంటుంది. అఖిల్ స‌ర‌స‌న న‌టించిన 'మోస్ట్ ఎలిజిబుల్ బ్యాచిల‌ర్' రిలీజ్ ప్ర‌మోష‌న్స్ లోనూ పూజా పాల్గొనాల్సి ఉంటుంది.