అరవిందలో అరవింద జాబ్ అదట!!

దసరాకు రిలీజ్ కానున్న 'అరవింద సమేత వీర రాఘవ' పై అంచనాలు భారీగా ఉన్న సంగతి తెలిసిందే. ఎన్టీఆర్ - త్రివిక్రమ్ మొదటి సారి కలిసి పనిచేయడంతో పాటు ఎన్టీఆర్ ఫ్యాక్షన్ నేపథ్యం ఉన్న సినిమాలో చాలా రోజుల తర్వాత నటించడం సినిమాపై ఆసక్తిని పెంచుతున్నాయి. ఈ సినిమాలో ఎన్టీఆర్ పూజా హెగ్డే తో రొమాన్స్ చేస్తున్నాడు. ఇక టైటిల్ లో కూడా హీరోయిన్ పేరే ప్రముఖంగా ఉండడంతో పూజా హెగ్డే పాత్ర కూడా ప్రాముఖ్యత ఎక్కువే ఉంటుందని అనుకుంటున్నారు.

తాజా సమాచారం ప్రకారం పూజా హెగ్డే ఈ సినిమాలో ఒక వీడియో జర్జలిస్ట్ పాత్రలో కనిపిస్తుందట. ఉండేది విదేశాలలో అయినప్పటికీ రాయలసీమ నేపథ్యంలో ఒక డాక్యుమెంటరీ చిత్రీకరించేందుకు సీమలో అడుగుపెట్టడంతో.. ఊహించని సంఘటనలు జరుగుతాయట. రాయలసీమ తో తనకు ఒక స్ట్రాంగ్ కనెక్షన్ ఉంటుందట. ఇక ఆ కనెక్షన్ ఏంటి.. ఆ ఊహించని సంఘటనలు ఇవన్నీ మనం తెరమీద చూడవలసిందే గానీ, అరవింద పాత్ర జస్ట్ హీరోయిన్ గా మాత్రమే కాకుండా కామెడీ కూడా పంచుతుందట. ముఖ్యంగా పూజా- సునీల్ కలిసినప్పుడల్లా సందడే సందడి అని టాక్.

ఇప్పటికే ఎన్టీఆర్ కు సీమగురువుగారు పాత్రలో సునీల్ కనిపిస్తాడని టాక్ ఉంది. ఇక ఈ సీమ గురువుగారు తన శిష్యుడి తో పాటుగా హీరోయిన్ అరవింద కు ఎలాంటి పాఠాలు చెప్తాడో మనం వేచి చూడాలి.