హాట్‌ బ్యూటీ స్కూల్‌ టీచర్‌

ప్రస్తుతం టాలీవుడ్‌ లో పూజా హెగ్డే టైం నడుస్తోంది. ఈ అమ్మడు టాలీవుడ్‌ స్టార్‌ హీరోలకు మోస్ట్‌ వాంటెడ్‌ హీరోయిన్‌ గా మారింది. పలువురు స్టార్‌ హీరోలతో ప్రస్తుతం పూజా హెగ్డే నటిస్తున్న విషయం తెల్సిందే. తెలుగు ప్రేక్షకులు ఎంతో ఆసక్తిగా ఎదురు చూస్తున్న ప్రభాస్‌ 'జాన్‌'లో కూడా పూజా హెగ్డే హీరోయిన్‌ గా నటిస్తోంది. రాధాకృష్ణ దర్శకత్వంలో ఈ చిత్రం 1960 నేపథ్యం కథాంశంతో తెరకెక్కుతోంది. ప్రభాస్‌ లుక్‌ చాలా విభిన్నంగా ఉండబోతుందని ఇప్పటికే తేలిపోయింది.

ఇక ఈ చిత్రంలో హీరోయిన్‌ పూజా హెగ్డే పాత్ర గురించిన చర్చ జరుగుతోంది. ఒక స్కూల్‌ టీజర్‌ పాత్రలో పూజా హెగ్డే కనిపించబోతుంది. సాదారణంగా హీరోయిన్స్‌ స్కూల్‌ టీచర్‌ పాత్రలో చాలా తక్కువగా కనిపిస్తూ ఉంటారు. చాలా ఏళ్ల క్రితం వచ్చిన రవితేజ చిత్రంలో ఇలియానా స్కూల్‌ టీచర్‌ గా కనిపించింది. మళ్లీ ఇప్పుడు పూజా హెగ్డే జాన్‌ చిత్రంలో స్కూల్‌ టీచర్‌ పాత్రను చేస్తోంది. ఇప్పటికే జాన్‌ చిత్రం కోసం కొన్ని రోజుల పాటు యూరప్‌ లో చిత్రీకరణలో పాల్గొన్న పూజా హెగ్డే త్వరలో ప్రారంభం కాబోతున్న కొత్త షెడ్యూల్‌ లో కూడా ప్రభాస్‌ తో కలిసి పాల్గొనబోతుంది.

పూజా హెగ్డే ఇటీవల 'గద్దలకొండ గణేష్‌' చిత్రంలో చిన్న పాత్రల్లో నటించి ఆ సినిమా స్థాయినే పెంచేసింది. అంతటి క్రేజ్‌ ఉన్న ఈ అమ్మడు జాన్‌ చిత్రానికి తప్పకుండా అదనపు ఆకర్షణ అవ్వడం ఖాయం. సాహో చిత్రంతో మరోసారి ఇండియా వ్యాప్తంగా తన సత్తా చాటిన ప్రభాస్‌ 'జాన్‌' చిత్రాన్ని కూడా తెలుగుతో పాటు హిందీ, తమిళం, కన్నడం, మలయాళంలో విడుదల చేసే అవకాశం ఉంది. జాన్‌ కు హిందీలో మంచి బిజినెస్‌ అవ్వనుంది. కృష్ణం రాజు ఈ చిత్రంను నిర్మిస్తుండగా వంశీ మరియు ప్రమోద్‌ లు సహ నిర్మాతలుగా వ్యవహరిస్తున్నారు.