పూజా కెరీర్‌ లో ప్రేరణ చాలా స్పెషల్‌

టాలీవుడ్‌ తో పాటు కోలీవుడ్‌ మరియు బాలీవుడ్‌ లో కూడా వరుసగా సినిమాలు చేస్తున్న ముద్దుగుమ్మ పూజా హెగ్డే అతి త్వరలోనే పాన్ ఇండియా మూవీ 'రాధే శ్యామ్‌' తో ప్రేక్షకుల ముందుకు రాబోతుంది. ప్రభాస్‌ తో పూజా హెగ్డే నటించిన మొదటి సినిమా ఇదే. వీరిద్దరి కాంబోలో సినిమా కోసం గత రెండున్నర మూడు ఏళ్లుగా అభిమానులు ప్రేక్షకులు ఎదురు చూస్తున్నారు. కరోనా కారణంగా సినిమా వాయిదాల మీద వాయిదాలు పడుతూనే ఉంది. గత ఏడాది వస్తుందనుకున్న రాధేశ్యామ్‌ మళ్లీ వాయిదా పడుతుందా అనే అనుమానాలు వ్యక్తం అవుతున్నాయి. ఈ సినిమాలో ప్రభాస్‌ పాత్ర ఎంత ప్రత్యేకంగా ఉంటుందో అంతే ప్రత్యేకంగా పూజా హెగ్డే పాత్ర ఉంటుందని యూనిట్‌ సభ్యులు చెబుతున్నారు.

ఇప్పటికే పూజా హెగ్డే ఫస్ట్‌ లుక్ ను రివీల్‌ చేశారు. ఆమె వింటేజ్ లుక్ అందరి హృదయాలను గెలుచుకుంది. ప్రభాస్ తో ఈమె చేయబోతున్న రొమాన్స్ ఏ రేంజ్ లో ఉంటుందో అనే ఉత్సాహంతో ప్రేక్షకులు ఎదురు చూస్తున్న సమయంలో చిత్ర యూనిట్‌ సభ్యుల నుండి ఇంట్రెస్టింగ్‌ న్యూస్ వినిపిస్తోంది. అదేంటి అంటే ఈ సినిమా లో పూజా హెగ్డే ప్రేరణ పాత్రలో కనిపించబోతుంది. ఇప్పటి వరకు ఆమె నటించిన సినిమాల్లో పాత్రలన్నింటికి కూడా ప్రేరణ చాలా స్పెషల్ గా కనిపించబోతుంది. ప్రేరణ పాత్రలో ఆమె నటన ప్రభాస్ తో పాటు చిత్ర యూనిట్‌ సభ్యులందరిని కూడా ఆశ్చర్య పర్చరింది.

షూటింగ్‌ సమయంలో ప్రభాస్ పలు సందర్బాల్లో పూజా హెగ్డే ప్రేరణగా చేసిన నటనకు ఫిదా అయ్యాడు. సినిమాలో ఆమె కనిపించే తీరు మరియు ఆమె నటన సినిమాకు హైలైట్‌ గా నిలుస్తుందనే నమ్మకంను వ్యక్తం చేస్తున్నారు. ఇప్పటి వరకు అందాల ప్రదర్శణకు పరిమితం అయిన పూజా హెగ్డే మొదటి సారి ఈ సినిమాలో ప్రాముఖ్యత ఉన్న ప్రేరణ పాత్రలో కనిపించబోతుంది. రాధే శ్యామ్‌ తర్వాత ఖచ్చితంగా పూజా హెగ్డే కెరీర్‌ కు మరింతగా హైప్ వచ్చే అవకాశం ఉందంటున్నారు. రాధే శ్యామ్‌ సినిమా జులై 30న విడుదల చేయాలనుకున్నారు. కాని కరోనా సెకండ్‌ వేవ్‌ సినిమాను అనుకున్న సమయంకు విడుదల అవ్వనిచ్చేలా లేదనిపిస్తుంది. షూటింగ్ మరో రెండు వారాలు బ్యాలన్స్ ఉన్నట్లుగా తెలుస్తోంది. అది పూర్తి చేసి పోస్ట్‌ ప్రొడక్షన్‌ వర్క్‌ ను ముగించి సినిమాను విడుదల చేయాల్సి ఉంది.