పూజాహెగ్డేకు చాన్స్ ఇచ్చిన ప్రభాస్.?

టాలీవుడ్ లో ట్రెండ్ సృష్టించిన హీరోయిన్లందరూ దాదాపు టాప్ హీరోలందరితో నటించారు. అగ్రహీరోయిన్లుగా ఎదిగారు. అప్పట్లో సౌందర్య - సిమ్రాన్.. ఇప్పట్లో కాజల్ - సమంత - రకుల్ ప్రీత్ ల హవా కొనసాగింది. ప్రస్తుతం పూజాహెగ్డేకు ఆ అవకాశం దక్కింది. డీజే సినిమాతో పాపులర్ అయిన ఈ భామకు ఆఫర్ల మీద ఆఫర్లు వచ్చిపడుతున్నాయి. రంగస్థలంలో జిగేల్ రాణి ఐటంసాంగ్ లో మెరిసిన ఈమెకు ఆ తర్వాత బెల్లంకొండ శ్రీనివాస్ హీరోగా చేస్తున్న ‘సాక్ష్యం’ మూవీలో చాన్స్ దక్కింది. ఆ సినిమా పూర్తవగానే ఎన్టీఆర్ తో అరవింద సమేతలో నటిస్తోంది.

ఇలా ప్రస్తుతం ఫుల్ డిమాండ్ తో దూసుకుపోతున్న పూజాహెగ్డేకు మరో క్రేజీ ప్రాజెక్టులో చోటు దక్కిందనే వార్తలు వెలువడుతున్నాయి. సాహో తర్వాత బాహుబలి ప్రభాస్ తీసే సినిమాలో పూజాహెగ్డే హీరోయిన్ గా కన్ఫం అయ్యిందనే వార్త ఫిలింనగర్ లో వినిపిస్తోంది. జిల్ లాంటి సినిమా తీసి ఆకట్టుకున్న రాధాకృష్ణ ఈ మేరకు పూజాహెగ్డేకు కథ వినిపించగా ఆమె ఓకే చెప్పినట్టు తెలిసింది. ప్రభాస్ లాంటి స్టార్ హీరో పక్కన హీరోయిన్ గా చాన్స్ కొట్టేసిన పూజాహెగ్డే టాలీవుడ్ లో టాప్ హీరోయిన్ గా ఎదగడం ఖాయమని అంతా ఆశాభావం వ్యక్తం చేస్తున్నారు.