ఇప్పుడు నా గ్లామర్ గురించే కాదు, యాక్టింగ్ గురించి కూడా!

టాలీవుడ్ టాప్ హీరోయిన్స్ లో పూజ ఒకరు. తెలుగులో ఇప్పుడు ఆమెకి ఉన్న క్రేజ్ అంతా ఇంతా కాదు. అదే క్రేజ్ ను తమిళ .. హిందీ భాషల్లోను సొంతం చేసుకోవడానికి ఆమె గట్టిగానే ట్రై చేస్తోంది. ఇక తెలుగులో వరుసగా బ్లాక్ బస్టర్ హిట్లను నమోదు చేస్తూ దూసుకుపోతోంది. పూజ ఉంటే చాలు ఆ సినిమా హిట్టే అనే ఒక సెంటిమెంట్ బలంగా పాతుకునేలా ఆమె చేయగలిగింది. ఒక్క హిట్టు కోసం ఎప్పటి నుంచో ఎదురుచూస్తున్న అఖిల్, ఆమె జోడీగా హిట్ అందుకోవడం విశేషం. ఈ ఇద్దరి కాంబినేషన్లో వచ్చిన 'మోస్ట్ ఎలిజిబుల్ బ్యాచ్ లర్' సినిమా భారీ విజయాన్ని సాధించింది.

ఈ సినిమా సక్సెస్డ్ మీట్లో పూజ మాట్లాడుతూ .. "ఈ సినిమా ఇంత పెద్ద హిట్ అయినందుకు .. అందులో నేను భాగమైనందుకు నాకు చాలా సంతోషంగా ఉంది. ఈ సినిమా ఇంత బాగా రావడానికి కారణం టీమ్ ఎఫర్ట్. ఈ సినిమాకి పని చేసిన ప్రతి ఒక్కరికీ కంగ్రాట్స్ చెబుతున్నాను. ఇంతమంచి సినిమాను నాకు ఇచ్చినందుకు గీతా ఆర్ట్స్ కి నేను బిగ్ థ్యాంక్స్ చెబుతున్నాను. ఈ సినిమాలో నేను 'విభా' అనే ఒక బ్యూటిఫుల్ రోల్ చేశాను.

ఇంతవరకూ నేను చేసిన పాత్రలు గ్లామరస్ హీరోయిన్ గానే నాకు పేరు తెచ్చిపెట్టాయి. ఈ సినిమా చేసిన తరువాత అందరూ నా నటన గురించి మాట్లాడుకుంటున్నారు.. నా ఫెర్ఫార్మెన్స్ బాగుందంటూ కాల్స్ చేస్తున్నారు. నిజంగా నాకు చాలా సంతోషంగా .. గర్వంగా ఉంది. 'విభా' పాత్రను ఇంత గొప్పగా డిజైన్ చేసిన భాస్కర్ సార్ కి నేను థ్యాంక్స్ చెప్పుకోవాలి. తెలుగు రచయితలు .. దర్శకులే మంచి పాత్రలను రాసి నన్ను నెక్స్ట్ లెవెల్ కి తీసుకుని వెళుతున్నారు.

ఈ సినిమా గ్లామర్ పరంగాను .. నటన పరంగాను నాకు మంచి పేరు తెచ్చిపెడుతోంది. విభా పాత్రలో నన్ను ఆదరించినందుకు వాళ్లకు నేను చాలా రుణపడి ఉన్నాను. అల్లు అర్జున్ గారితో కలిసి 'అల వైకుంఠపురములో' సినిమాను సెలబ్రేట్ చేసుకున్నాము. మరో సినిమాను ఆయనతో కలిసి సెలబ్రేట్ చేసుకుకోవాలని కోరుకుంటున్నాను. ఇక అఖిల్ తో నా కెమిస్ట్రీ చాలా బాగుందని అంటున్నారు. ఆయన ఇచ్చిన కంఫర్ట్ కారణంగానే నేను అంత బాగా చేయగలిగాను. ఆయనతో మళ్లీ కలిసి పనిచేసే అవకాశం వస్తుందనే ఆశిస్తున్నాను" అని చెప్పుకొచ్చింది.