పవన్ తో పూజా.. కొత్త మూవీ డిటైల్స్ ఇవే

వరుస సినిమాలతో క్రేజీ హీరోయిన్ గా మారింది పూజా హెగ్డే. ఆమెకు ఒకటి తర్వాత ఒకటిగా అవకాశాలు తన్నుకొస్తున్నాయి. తాజాగా ఆమె చేస్తున్న ప్రాజెక్టులకు మరో మూవీ వచ్చి చేసింది. ఈ ఛాన్సు మిగిలిన వాటి కంటే సో స్పెషల్ గా చెబుతున్నారు. ఎందుకంటే.. పవర్ స్టార్ పవన్ కల్యాణ్ తో జత కట్టే అవకాశం తాజాగా ఆమెకు లభించింది. మూడేళ్ల పాటు సినిమాలకు దూరంగా ఉంటూ.. రాజకీయాలకే పరిమితమైన పవన్.. ఈ మధ్యన వకీల్ సాబ్ తో రీ ఎంట్రీ ఇవ్వటం తెలిసిందే.

వకీల్ సాబ్ చేస్తున్నప్పటి నుంచి తన తీరుకు భిన్నంగా.. ఒక సినిమా తర్వాత మరొకటి.. అది కూడా మధ్యలో భారీ గ్యాప్ తీసుకుంటూ అనే కాన్సెఫ్టుకు పుల్ స్టాప్ పెట్టేసి.. ఒక సినిమా చేస్తున్నప్పుడే మరిన్ని సినిమాలు చేయటం.. లాంటి కొత్త కాన్సెప్టుకు తెర తీశారు. అందుకు తగ్గట్లే ప్రస్తుతం ఆయన మలయాళం సంచలన హిట్ సాధించిన ‘అయ్యప్పనుమ్ కోషియమ్’ ను ‘భీమ్లా నాయక్’ పేరుతో రీమేక్ చేస్తున్న సంగతి తెలిసిందే. దీని ఫస్ట్ గ్లింప్స్ నెట్ లో ఎంత రచ్చ చేస్తున్నది తెలిసిందే. పవన్ నోటి నుంచి వచ్చిన డైలాగ్ ఊర మాస్ గా ఉండటం.. దాన్ని చూసిన ఫ్యాన్స్ తెగ సంతోషపడిపోతూ.. ఎన్నాళ్లకు పవన్ కు తగ్గ పాత్ర వచ్చిందని ఊగిపోతున్నారు.

ఈ మూవీతో పాటు డైరెక్టర్ క్రిష్ తో చేస్తున్న హరి హర వీరమల్లు చేస్తున్న సంగతి తెలిసిందే. తాజాగా.. హరీష్ శంకర్ తో పవన్ ఒక సినిమా చేయటానికి ఓకే చెప్పటం.. ఆ మూవీలో పూజా హెగ్డే జత కడుతుందని తెలుస్తోంది. ఇదే మూవీలో మరో ప్రధాన పాత్రలో ప్రియమణి నటిస్తున్నట్లు చెబుతున్నారు. పవన్ డ్యూయల్ రోల్ నటిస్తున్నారు. తండ్రి.. కొడుకు క్యారెక్టర్లు చేస్తున్నట్లు చెబుతున్నారు.

హరీశ్ శంకర్ గత సినిమాలైన బన్నీ డీజేలోనూ.. గద్దల కొండ గణేష్ లోనూ పూజా హెగ్డే నటించింది. ముచ్చటగా మూడోసారి హరీశంకర్ దర్శకత్వంలో ఆమె నటించనుంది. ఈ మూవీకి ఇప్పుడే మొదలైంది.. సంచారి రెండు టైటిల్స్ ను పరిశీలిస్తున్నట్లు చెబుతున్నారు. ఈ మూవీ అఫిషియల్ టైటిల్ ను పవన్ బర్త్ (సెప్టెంబరు 2న) నాడు ప్రకటిస్తారని చెబుతున్నారు. పవన్ మూవీతో పూజా మరో మాంచి అవకాశాన్ని అందిపుచ్చుకున్నారనే చెప్పాలి.