శ్రీ‌దేవి ఆత్మ‌ పూనిందా.. అసలేమైంది?

క‌ళ్ల‌తోనే కోటి హావ‌భావాలు ప‌లికించ‌డం ఎలానో లెజెండ్ శ్రీ‌దేవిని చూసి న‌వ‌త‌రం నేర్చుకోవాలి. అతిలోక సుంద‌రి శ్రీ‌దేవి న‌ట‌నాభిన‌యం ఎంద‌రో న‌వ‌త‌రం న‌టీమ‌ణుల‌కు స్ఫూర్తి. ఈ లెజెండరీ న‌టి స్ఫూర్తితోనే ఈ రంగంలో ప్ర‌వేశించే నాయిక‌లు ఉన్నారు. ఎన్నో క్లాసిక్ హిట్స్ లో శ్రీ‌దేవి న‌ట‌న‌.. డ్యాన్సుల్ని అమితంగా ఇష్ట‌ప‌డే స్టార్లు ఎంద‌రో. అయితే త‌మ ఫేవ‌రెట్ స్టార్ అనూహ్యంగా ఇహ‌లోకం వీడి వెళ్లిపోవడాన్ని ఇప్ప‌టికీ త‌న ఫ్యాన్స్ మ‌ర్చిపోలేక‌పోతున్నారంటే అతిశ‌యోక్తి కాదు.

అయితే మామ్ శ్రీ‌దేవి వెళ్లినా.. తాను న‌టించిన సినిమాల రూపంలో ఇంకా అభిమానుల గుండెల్లో జీవించి ఉన్నారు. ప్ర‌స్తుతం శ్రీ‌దేవి న‌టించిన సినిమాల్లోని ప‌లు క్లాసిక్ హిట్ సాంగ్స్ ని రీమిక్స్ చేస్తూ మ‌న మేక‌ర్స్ త‌న‌కు అంకిత‌మిస్తున్నారు. న‌వ‌త‌రం క‌థానాయిక‌లు ఈ రీమిక్స్ పాట‌ల్లో అభిన‌యిస్తూ ట్రైబ్యూట్ ఇస్తున్నార‌నే చెప్పాలి. ఇటీవ‌లే వాల్మీకి సినిమా కోసం శ్రీ‌దేవి క్లాసిక్ `వెల్లువొచ్చి గోదార‌మ్మ‌...` సాంగ్ ను రీమిక్స్ చేస్తున్న సంగ‌తి తెలిసిందే. ఈ రీమిక్స్ లో ట్యాలెంటెడ్ పూజా హెగ్డే అభిన‌యిస్తుండ‌డం ఆస‌క్తిక‌రం. పూజా ఎర్ర కోక‌లో సైకిలెక్కి వెళుతున్న ఫోటో ఇప్ప‌టికే యూత్ లోకి దూసుకెళ్లింది. నాటి శ్రీ‌దేవికి ప్ర‌తిరూపంగా క‌నిపిస్తోంది ఆ ఎర్ర‌కోక‌లో.

అలాగే శ్రీ‌దేవి న‌టించిన వేరొక క్లాసిక్ సాంగ్ రీమిక్స్ లో అందాల ఇలియానా న‌ర్తించేందుకు సిద్ధ‌మ‌వుతోంది. 1989 క్లాసిక్ హిందీ చిత్రం `ఛాల్ బాజ్` నుంచి `తేరా బిమార్ మేరా దిల్..` అనే పాట‌ను రీమిక్స్ చేస్తున్నారు. ఈ పాట‌లో న‌ర్తించేందుకు ఇల్లూ బేబి రెడీ అవుతుండ‌డం ఆస‌క్తిని రేకెత్తిస్తోంది. జాన్ అబ్ర‌హాం క‌థానాయ‌కుడిగా న‌టిస్తున్న బాలీవుడ్ చిత్రం `పాగ‌ల్ పాంటీ` కోసం ఈ పాట‌ను రీమిక్స్ చేస్తున్నారు. ఇలాంటి క్లాసిక్ సాంగ్స్ రీమిక్సుల‌ రూపంలో మ‌రోసారి లెజెండ‌రీ న‌టి శ్రీ‌దేవిని అభిమానులు గుర్తు చేసుకునే వీలుంద‌న్న‌మాట‌.