పోస్ట్‌ మ్యాన్ కావాలనుకుంది.. హీరోయిన్ అయింది

‘హీరోయిన్ కాకపోయుంటే ఏమయ్యేవారు?’ అని ఏ హీరోయిన్నైనా అడిగితే ఎక్కువ మంది నుంచి వచ్చే సమాధానం ఒకటే. డాక్టరును కాబోయి యాక్టరును అయ్యానంటారు. కానీ.. బుంగమూతి సుందరి పూజా హెగ్డే మాత్రం చిన్నప్పుడు తాను పోస్ట్ మ్యాన్ కావాలనుకున్నానని చెప్తోంది. అవును.. సినీ రంగానికి ఎలా వచ్చారని అడిగితే అదృష్టం బాగుండి వచ్చానంటోందీ అమ్మడు. తాను అదృష్టాన్ని నమ్ముతానని.. అదృష్టం కలిసిరావడం వల్లే సినిమా హీరోయిన్ అయ్యానని అంటోంది. బాగా చిన్నప్పుడు పోస్ట్ మ్యాన్ కావాలనుకున్నానని.. ఆ తరువాత ఫోటోగ్రాఫర్ - మోడల్ కూడా కావాలనుకున్నానని.. కానీ, అదృష్టం వల్ల ఇలా హీరోయిన్ అయ్యానని అంటోంది.

ప్రస్తుతం ఈ భామ అరవింద సమేతలో ఎన్టీఆర్ సరసన నటిస్తోంది. మహేశ్ - ప్రభాస్‌ తోనూ సినిమాలు చేస్తోంది. ఎన్టీఆర్-త్రివిక్రమ్ కాంబినేషన్‌ లో రాబోతున్న సినిమా ‘అరవింద సమేత.. వీర రాఘవ’ ఫస్ట్‌ లుక్ తోనే భారీ బజ్ క్రియేట్ చేసింది. తొలిసారి పూజా - ఎన్టీఆర్ నటిస్తున్న చిత్రమిది.

అయితే.. ఈ సినిమాలో ఓ స్పెషల్ సాంగ్ ఉంటుందట. కాజల్ అగర్వాల్ ఈ సాంగ్‌లో చిందులేయనుందని తెలుస్తోంది. గతంలో ఎన్టీఆర్ నటించిన ‘జనతాగ్యారేజ్’ సినిమాలో కాజల్ ఐటెం సాంగ్ చేసి మెప్పించిన సంగతి తెలిసిందే. దీంతో ‘అరవింద సమేత..’ లో ఎన్టీఆర్ స్టెప్పులకు కాజల్ అందాల చిందులు తోడైతే థియేటర్లన్నీ ఈలలతో గోల పెట్టేస్తాయని భావించిన త్రివిక్రమ్ ఈమెనే ఫైనల్ చేశారని టాక్.