ఇట్స్ పార్టీ టైమ్ అంటూ సెల‌బ్రేష‌న్ మూడ్ లో పూజా

`అల వైకుంఠ‌పురములో` బ్లాక్ బ‌స్ట‌ర్ విజ‌యం సాధించాక పూజా హెగ్డే బ్యాక్ టు బ్యాక్ సినిమాల‌తో కెరీర్ ప‌రంగా మ‌రింత బిజీ అయిపోయిన సంగ‌తి తెలిసిందే. ఓవైపు టాలీవుడ్ లో న‌టిస్తూనే మ‌రోవైపు బాలీవుడ్ లోనూ వ‌రుస సినిమాల‌తో బిజీ అయిపోయింది.

ఇటీవ‌ల రాధేశ్యామ్.. మోస్ట్ ఎలిజిబుల్ బ్యాచిల‌ర్ చిత్రాల‌కోసం ఈ భామ దేశ‌విదేశాల్లో ఎగ్జోటిక్ లొకేష‌న్ల‌కు వెళ్లిన సంగ‌తి తెలిసిందే. ఈ రెండు సినిమాల‌కు సంబంధించిన కొన్ని ఇంపార్టెంట్ సీన్ల‌ను యూరప్ లొకేష‌న్ల‌లోనూ చిత్రీక‌రించారు. ఆ క్రమంలోనే త‌న విదేశీ ట్రిప్ లకు సంబంధించిన త్రోబ్యాక్ ఫోటోల్ని పూజా సోష‌ల్ మీడియాల్లో షేర్ చేస్తోంది. అవి వైర‌ల్ గానూ మారుతున్నాయి.

మ‌రోవైపు పూజా న‌టించిన 2019 బ్లాక్ బ‌స్ట‌ర్ మ‌హ‌ర్షి చిత్రానికి నంది అవార్డులు ప్ర‌క‌టించ‌గానే ఆ సంతోషాన్ని దాచుకోలేక ట్వీట్ల‌తో అభిమానుల్ని ప‌ల‌క‌రించింది. మహమ్మారి కారణంగా రెండేళ్ల విరామం తరువాత 2019 సంవత్సరానికి జాతీయ చలనచిత్ర అవార్డులు 2021 లో ప్రకటించ‌గా.. ప్రాంతీయ విభాగంలో మ‌హ‌ర్షికి జాతీయ అవార్డుల్ని ప్ర‌క‌టించారు. పూజా తన ట్విట్టర్ లో మ‌హ‌ర్షి నిర్మాత‌లు షేర్ చేసిన సెలబ్రేటరీ పోస్ట్ ను రీట్వీట్ చేసింది. నా జట్టుకు సూపర్ డూపర్ సంతోషంగా ఉంది.. ఇది పార్టీ టైమ్.. # మహర్షి.. అంటూ ఎంతో ఎగ్జ‌యిటింగ్ గా ట్వీట్ చేసింది పూజా. 2019 బెస్ట్ పాపులర్ వినోదాత్మ‌క చిత్రం .. ఉత్తమ కొరియోగ్రఫీ అవార్డుల‌ను మ‌హ‌ర్షికి ప్ర‌క‌టించారు.