పూజా రెట్రో లుక్ సంథింగ్ హాట్ గా..!

య‌ష్ రాజ్ ఫిలింస్ బ్యాన‌ర్ తెర‌కెక్కించిన ఎయిటీస్ నైన్టీస్ క్లాసిక్స్ గురించి ప్ర‌స్థావిస్తే .. నాటి సినిమాల్లో క‌థాంశాలు కానీ .. మ్యూజిక్ కానీ .. తారాగ‌ణం గురించి కానీ ప్ర‌స్థావించ‌కుండా పొగిడేయ కుండా ఉండ‌లేరు. అప్ప‌ట్లో య‌ష్ రాజ్ బ్యాన‌ర్ సినిమాల్లో రెట్రో స్టైల్ బెల్ బాట‌మ్ స్టైల్ కూడా ఎంతో ప్ర‌సిద్ధి చెందాయి.
ఇక దిల్ వాలే దుల్హానియా లేజాయేంగే కోసం స్విట్జ‌ర్లాండ్ అందాలను క్యాప్చుర్ చేసిన విధానం ఇప్ప‌టికీ చ‌ర్చ‌కొస్తూనే ఉంటుంది. య‌ష్ రాజ్ బ్యాన‌ర్ నాయిక‌లు న‌వ‌లా నాయిక‌లుగా ఎంతో ముచ్చ‌ట‌గా క‌నిపిస్తారు.

తాజాగా పూజా హెగ్డే య‌ష్ రాజ్ బ్యాన‌ర్ లో సినిమా చేయ‌కపోయినా కానీ ఆ క‌ల‌ను నిజం చేసుకుంటోంది. రిల‌య‌న్స్ ఎంట‌ర్ టైన్ మెంట్స్ తో క‌లిసి రోహిత్ శెట్టి తెర‌కెక్కిస్తున్న స‌ర్క‌స్ లో ర‌ణ‌వీర్ స‌ర‌స‌న పూజా న‌టిస్తోంది. ఈ చిత్రం షూటింగ్ లో పూజా బిజీగా ఉంది.

తాజాగా పూజా హెగ్డే స్పాట్ లో ఉన్న ఫోటో వైరల్ గా మారింది. ఇందులో రణ్ వీర్ సింగ్ తో కలిసి పూజా హెగ్డే కూల్ గా సెల్ఫీకి పోజులిచ్చింది. పూజ.. పసుపు రంగు చీరలో చాలా అందంగా క‌నిపిస్తోంది. 90ల నాటి యష్ రాజ్ హీరోయిన్ ని గుర్తు చేస్తోంది అంటూ యూత్ కామెంట్లు చేస్తున్నారు.

పూజా-రణవీర్ జంట‌పై ఊటీలోని అందమైన లొకేషన్ లలో రొమాంటిక్ సాంగ్ ని చిత్రీక‌రిస్తున్నారు. ఈ సినిమాతో పెద్ద హిట్టు కొట్టి బాలీవుడ్ లో త‌న రేంజును పెంచుకోవాల‌ని పూజా వెయిట్ చేస్తోంది. ఇక తెలుగులో వ‌రుస‌గా అగ్ర హీరోల సినిమాల్లో న‌టిస్తున్న సంగ‌తి తెలిసిందే. త‌మిళంలో విజ‌య్ స‌ర‌స‌న బీస్ట్ లో న‌టిస్తోంది. ప్ర‌భాస్ తో మూవీ రాధేశ్యామ్ త్వ‌ర‌లో విడుల కానుంది.