మ‌త్తు క‌ళ్ల‌తో శ‌య‌న మందిరంలో ఎవ‌రికోసమో ఎదురు చూపులు?

ర‌తి రేయి ఆస్వాధ‌న‌ల‌ ర‌హ‌స్యం ఆ శ‌య‌న‌మందిరంలోనే దాగి ఉంది.. అక్క‌డ ఒక రాకుమారి న‌వ‌మ‌న్మ‌ధుడంటి రాకుమారుడి కోసం వేచి చూస్తున్న‌ట్టుగానే క‌నిపిస్తోంది. ఇంత‌కీ ఇది ఏ యాడ్ షూట్ కోస‌మో.. బాస్ హీరోయిన్ పూన‌మ్ బ‌జ్వానే చెప్పాలి. `చెన్న‌య్ డైరీస్... యాడ్ షూట్` అంటూ చిన్న హింట్ మాత్ర‌మే ఇచ్చిన పూన‌మ్ అది ఏ త‌ర‌హా ప్ర‌క‌ట‌నో వెల్ల‌డించ‌లేదు.

ఈ ఫోటో షూట్ లో పూన‌మ్ ఎంతో అందంగా క‌నిపిస్తున్నారు. త‌న‌దైన తీక్ష‌ణ‌త‌ మ‌త్తు క‌ళ్ల‌తో క‌వ్విస్తూ ఆ అంద‌మైన రింగుల శిరోజాల‌తో ఆక‌ర్ష‌ణీయంగా క‌నిపిస్తున్నారు. బ్లూ డిజైన‌ర్ ట్రెడిష‌న‌ల్ టాప్.. నేవీ బ్లూ క్రిస్ట‌లైన్ డిజైన‌ర్ ప‌రికిణీలో ఎంతో తాధాత్మ్యంగా వేచి చూస్తూ ఉన్న‌ ఆ ఫోజ్ ఆక‌ట్టుకుంది.

అలా త‌థేకంగా ప్రియుడి రాక‌ కోసం శ‌య‌న మందిరంలో వేచి చూస్తున్న ఆ భంగిమ ఎంతో ప్ర‌త్యేకం అంటూ అభిమానులు ఖుషీ అయిపోతున్నారు. పూన‌మ్ ప్ర‌స్తుతం మ‌ల‌యాళం స‌హా తెలుగు సినీప‌రిశ్ర‌మ‌ల్లో క్రేజీ ఆఫ‌ర్ల కోసం ప్ర‌య‌త్నిస్తున్నారు. సోష‌ల్ మీడియాల్లో ఇప్ప‌టికే త‌న‌కు భారీ ఫాలోయింగ్ ఉంది. మోడ‌ల్ గా ప్ర‌క‌ట‌న‌ల్లోనూ న‌టిస్తూ వాటిని ఇన్ స్టాలో షేర్ చేస్తూ భారీగానే ఆర్జిస్తున్నారని స‌మాచారం. `పాతోంబ‌తామ్ నూట్టండు` అనే మ‌ల‌యాళ చిత్రంలో పూన‌మ్ న‌టించ‌నున్నారు. ప్ర‌స్తుతం ప్రీప్రొడ‌క్ష‌న్ ప‌నులు సాగుతున్నాయ‌ని స‌మాచారం.