ఈ పాప బాలీవుడ్‌ వెళ్తోందటగా...

దాదాపు పదేళ్ల నుంచి సౌత్ లో సత్తా చాటేందుకు హైద్రాబాదీ భామ పూనమ్ కౌర్ కష్టపడుతూనే ఉంది. తెలుగు - తమిళ్ - కన్నడ - మలయాళం అన్ని భాషల్లోనూ సినిమాలు చేసింది పూనమ్. గోపీచంద్ - వెంకటేష్ సినిమాల్లో నటించినా ఇ చిన్నదానికి అంతగా ఇక్కడ కలిసి రాలేదు. నేటివ్ గా హైద్రాబాదీనే అయినా ఇక్కడ మాత్రం పెద్ద హీరోయిన్ కాలేకపోయింది. ఇప్పుడీ భామ.. బాలీవుడ్ లో ఓ భారీ ప్రాజెక్ట్ లో నటిస్తుండడం విశేషం.

ఫిబ్రవరి 23న టెలివిజన్ ఆర్టిస్ట్ కం ఫిలిం హీరో కరణ్ సింగ్ గ్రోవర్ బర్త్ డే రోజున.. తనకి విషెస్ చెబుతూ పూనమ్ కౌర్ ఓ ట్వీట్ చేసింది. 'నా తోటి నటుడు కరణ్ సింగ్ కు హ్యాపీ బర్త్ డే' అంటూ ఒక ఫోటోను కూడా పోస్ట్ చేసింది ఈ సుందరి. ఆ ఫోటోలో కరణ్ సింగ్ తో పాటు పూనమ్ కూడా ఉంది. అప్పుడు అసలు విషయం అందరికీ తెలిసొచ్చింది. దేవ్ 3 అనే టైటిల్ సెట్ చేసే అవకాశాలున్న ఈ మూవీలో.. పూనమ్ కౌర్ ఉంటుందనే విషయం.. ఈ ట్వీట్ తర్వాతే చాలామందికి తెలిసింది.

అప్పుడు ఆరా తీస్తే.. కరణ్ సింగ్ గ్రోవర్ - కునాల్ రాయ్ కపూర్ - రవి దూబేలు నటిస్తున్న ఈ మల్టీస్టారర్ మూవీలో పూనమ్ కౌర్ కి కూడా ఉందని తెలిసింది. రీసెంట్ గా ఓ మాంచి డ్యాన్స్ బీట్ సాంగ్ ని కూడా పిక్చరైజ్ చేశామని చెబుతున్నారు. సిటీలోనే పుట్టి పెరిగిన ఓ ముగ్గురు కుర్రాళ్లు.. ఓ గ్రామానికి వెళ్లాల్సిన పరిస్థితి వచ్చినపుడు.. అక్కడి జనాలు వాళ్లను దేవుళ్లుగా భావిస్తారు. ఆ తర్వాత అక్కడేం జరిగిందన్నదే ఈ దేవ్3 మూవీ స్టోరీ.