ఆ ద‌ర్శ‌కుడిని టార్గెట్ చేసిన పూన‌మ్!

జ‌న‌సేన అధ్య‌క్షుడు, సినీ న‌టుడు ప‌వ‌న్ క‌ల్యాణ్ అభిమానులు....ఫిల్మ్ క్రిటిక్ మ‌హేష్ క‌త్తిల మ‌ధ్య వెర్బ‌ల్ వార్ జ‌రుగుతోన్న స‌మ‌యంలో హీరోయిన్ పూనమ్ కౌర్ చేసిన ట్వీట్ పెనుదుమారం రేపిన సంగ‌తి తెలిసిందే. ఆ త‌ర్వాత కొద్ది రోజుల‌కు....జ‌న‌సేన ఆవిర్భావ దినోత్స‌వం అయిన మ‌రుస‌టి రోజు పూన‌మ్ మ‌రో ట్వీట్ చేసి వెంట‌నే డిలీట్ చేయ‌డం తీవ్ర చ‌ర్చ‌నీయాంశ‌మైంది. కొద్ది రోజుల క్రితం...ఏపీకి ప్ర‌త్యేక హోదా కోసం వార‌ణాసిలో ప్ర‌త్యేక పూజ‌లు చేసిన పూన‌మ్....ఆ త‌ర్వాత సైలెంట్ అయింది. తాజాగా, ఓ ద‌ర్శ‌కుడిపై సంచ‌ల‌న ఆరోప‌ణ‌లు చేస్తూ పూన‌మ్ మ‌రో ట్వీట్ చేసింది. త‌న‌కు అవ‌కాశం ఇస్తాన‌ని న‌మ్మించి మోసం చేశాడ‌ని....అంతేకాకుండా అవ‌కాశం ఇవ్వ‌క‌పోవ‌డాన్ని సీరియ‌స్ గా తీసుకోకూడ‌ద‌ని త‌న‌కు హిత‌వు ప‌లికాడ‌ని షాకింగ్ కామెంట్స్ చేసింది. త‌న‌కు కావాల్సిన ప్లాప్ హీరోయిన్ల‌కే అవ‌కాశాలు ఇస్తున్నార‌ని...సంచ‌ల‌న వ్యాఖ్య‌లు చేసింది. ప్ర‌స్తుతం పూన‌మ్ ట్వీట్స్ సోష‌ల్ మీడియాలో వైర‌ల్ అయ్యాయి.

కొద్ది రోజుల క్రితం ఓ ఇంటర్యూలో తనకు రాజకీయాలపై ఆసక్తి ఉంద‌ని పూన‌మ్ పరోక్షంగా వ్యాఖ్యలు చేసింది. ఏపీ సీఎం చంద్రబాబును పొగిడింది. ఇండ‌స్ట్రీలో ఆడ‌వారికి జ‌రుగుతోన్న అన్యాయంపై పోరాడ‌తాన‌ని చెప్పింది. తాజాగా, ఓ దర్శకుడిపై సంచ‌ల‌న వ్యాఖ్య‌లు చేసింది. తనకు అవకాశం ఇస్తానని ఓ ద‌ర్శ‌కుడు నిరాశ ప‌రిచాడ‌ని, పైగా దానిని ప‌ట్టించుకోవ‌ద్ద‌ని స‌లహా ఇచ్చాడ‌ని చెప్పింది. అంతేకాకుండా...ఓ ప్లాప్ హీరోయిన్ కు ఆ ద‌ర్శ‌కుడు త‌న సినిమాల్లో వ‌రుస అవ‌కాశాలు ఇచ్చాడ‌ని ఆరోపించింది. త‌న‌కు కావాల్సిన వారికి త‌న సినిమాల్లో అవ‌కాశాలు ఇస్తాడ‌ని....త‌న‌లాంటివారికి ఏవో కుంటిసాకులు చెప్పి మ‌భ్య‌పెడ‌తాడ‌ని చెప్పింది. కాగా, ప‌వ‌న్ ఫ్యాన్స్-క‌త్తి మ‌హేష్...వెర్బ‌ల్ వార్ స‌మయంలో పూన‌మ్ పై మ‌హేష్ షాకింగ్ కామెంట్స్ చేసిన సంగ‌తి తెలిసిందే. జల్సాలో పూన‌మ్ కు అవకాశం ఇస్తానని త్రివిక్ర‌మ్ మాట ఇచ్చార‌ని, దాంతో వేరే సినిమాల‌ను పూన‌మ్ తిర‌స్క‌రించింద‌ని మ‌హేష్ ఆరోపించారు. దీంతో, పూన‌మ్ ఆత్మ‌హ‌త్య కూడా చేసుకోబోయింద‌ని సంచ‌ల‌న‌వ్యాఖ్య‌లు చేశారు. ఈ నేప‌థ్యంలో పూన‌మ్ టార్గెట్ చేసిన ద‌ర్శ‌కుడు ఎవ‌రన్న దానిపై టాలీవుడ్ లో చ‌ర్చ‌లు జ‌రుగుతున్నాయి.