బాలీవుడ్ రాధగా పవన్ ట్వీట్ల భామ

టాలీవుడ్ లో హీరోయిన్ గా బ్రేక్ తెచ్చే సినిమా కోసం చాలా రోజుల నుంచి ఎదురుచూస్తోంది పూనమ్ కౌర్. కానీ హీరోయిన్ గా కంటే ట్వీట్లతోనే ఆమె ఎక్కువ పాపులరయింది. పవర్ స్టార్ పవన్ కళ్యాణ్ కు సంబంధించి అర్ధమయ్యీ కానీ విధంగా ట్వీట్లు పెడుతూ వార్తల్లో కనిపిస్తూ వచ్చింది. ఈ ట్వీట్ల వ్యవహారంతో పాపులారిటీ వచ్చిది తప్ప ఛాన్సులు రాలేదు.

ఇలాంటి టైంలో పూనమ్ కు అనుకోని అదృష్ణంలా బాలీవుడ్ ఆఫర్ వచ్చింది. అంకూష్ భట్ డైరెక్ట్ చేస్తున్న 3 దేవ్ లో ఆమె నటించే అవకాశం లభించింది. ఈ సినిమాలో ఆమె రాధ క్యారెక్టర్ లో కనిపించనుంది. బాలీవుడ్ హీరోయిన్ బిపాషా బసు భర్త కరణ్ సింగ్ గ్రోవర్ పక్కన హీరోయిన్ గా నటిస్తోంది పూనమ్. ఈ సినిమాతో హిందీ ప్రేక్షకులను మెప్పించగలనని పూనమ్ ఆశపడుతోంది. ‘‘రాధ క్యారెక్టర్ కోసం స్వీట్ అండ్ బబ్లీగా అనిపించే అమ్మాయి కోసం వెతుకుతుండగా ఒకరు ఆమె పేరు సజెస్ట్ చేశారు. ఆమెను చూశాక రాధ పాత్రకు ఆమె పర్ ఫెక్ట్ ఛాయిస్ అనిపించింది. అందుకే ఇంకో ఆలోచన లేకుండా తీసుకున్నామంటూ’’ ఈ సినిమా డైరెక్టర్ అంకుష్ భట్ చెప్పుకొచ్చాడు.

3దేవ్ సినిమాలో కరణ్ తోపాటు రవి దూబే.. కునాల్ రాయ్ కపూర్ కూడా హీరోలుగా నటిస్తున్నారు. ఇందులో వీళ్లు ముగ్గురూ మోడరన్ బ్రహ్మ - విష్ణు - మహేశ్వరులుగా కనిపించబోతున్నారు. ఈ సినిమా జూన్ 1న థియేటర్లకు రానుంది.